ایم کیو ایم نے وسیم اختر کو کراچی کا میئر اور ارشد وہرا کو ڈپٹی میئر بنانے کا فیصلہ کر لیا۔ فاروق ستار کو رابطہ کمیٹی کا سینئر ڈپٹی کنونیئر اور نسرین جلیل کو رکن بنانے پر بھی غور کیا گیا۔
کراچی: (یس اُردو) کراچی کے بلدیاتی انتخابات میں واضح برتری کے بعد ایم کیو ایم کے جانب سے میئر اور ڈپٹی میئر کے ناموں پر مشاورت مکمل کر لی گئی ہے۔ رابطہ کمیٹی کے اجلاس میں میئر کے لئے مختلف ناموں پر غور کے بعد وسیم اختر کو میئر اور ارشد وہرا کو ڈپٹی میئر بنانے کو فیصلہ کیا گیا ہے۔ ذرائع کے مطابق اظہار احمد کو چیئرمین ویسٹ جبکہ واسع جلیل کو چیئرمین ایسٹ بنانے جانے کا بھی امکان ہے۔ دوسری جانب ڈاکٹر فاروق ستار کو رابطہ کمیٹی کا سینئر ڈپٹی کنونیئر اور نسرین جلیل کو رابطہ کمیٹی کا رکن بنانے پر بھی غور کیا گیا۔
