سندھ کے سینئر وزیر نثار کھوڑو کہتے ہیں اپوزیشن نے موقع گنوا دیا۔ رینجرز کے اختیارات میں توسیع کی قرارداد کل بھی اسمبلی میں نہیں لائی جا سکے گی۔ رینجرز کو واپس بھیجنے کا فیصلہ نہیں کیا۔ اختیارات ختم ہوئے دس روز گزر چکے لیکن کوئی بڑا واقعہ پیش نہیں آیا۔
کراچی: (یس اُردو) پریس کانفرنس کے دوران سینئر صوبائی وزیر نثار کھوڑو اپوزیشن پر برس پڑے۔ ان کا کہنا تھا کہ رینجرز کو واپس بھیجنے کا فیصلہ نہیں کیا۔ حزب اختلاف نے موقع گنوا دیا کل رینجرز اختیارات کی قرارداد پیش نہیں ہو سکے گی۔ نثار کھوڑو نے کہا کہ سندھ پولیس اپنے پاؤں پر کھڑا ہو رہی ہے تو کسی کو اعتراض کیوں ہے۔ رینجرز کے اختیارات ختم ہوئے دس روز گزر چکے لیکن کوئی بڑا واقعہ پیش نہیں آیا۔ سینئر وزیر سندھ کا مزید کہنا تھا کہ سندھ میں زیادہ وقت مارشل لا رہا۔ اسمبلی کا کام قانون سازی ہے لیکن اسمبلی کی اہمیت اور حیثیت کو کم کرنے کی کوشش کی جا رہی ہے۔
