فرانس (اشفاق چودھری) افواج پاکستان کی جانب سے زمین سے زمین پر مار کرتے ہوئے ساڑھے ستائیس کلومیٹر تک ہدف کو نشانہ بنانے والے بیلٹک میزائل شاہین تھری کے کامیاب تجربہ پر عوام پاکستان کو مبارکباد پیش کرتے ہوئے پاکستان مسلم لیگ (ق) فرانس کے رہنماؤں سجاد احمد ڈوگہ و ندیم افضل ڈھیرو گہنہ نے اپنے مشترکہ بیان میں کہا کہ افواج پاکستان کی وطن عزیز کے دفاع کو نہ صرف اپنے عزم و حوصلے ‘ جرات و شجاعت ‘ دیانتداری و پیشہ وارانہ صلاحیت اور قربانی و ایثار کے ذریعے مضبوط و مستحکم بنارہی ہیں ۔
بلکہ وطن عزیز کو ناقابل ستخیر بنانے کیلئے بھی شب و روز کوشاں ہیں اور افواج پاکستان کے سائنسدان و انجینئرز شب و روز وطن عزیز کے دفاع و عصری تقاضوں سے ہم آہنگ بنانے اور دفاع وطن کیلئے سبقت و برتری کے حصول کیلئے سرگرم ہیں جس پر پوری قوم افواج پاکستان کے سائنسدانوں ‘ انجینئرز ‘ افسران اور جوانوں پر نہ صرف فخر کرتی ہے بلکہ ان کی شکر گزار بھی ہیں جن کی شب و ورز محنت‘ صلاحیت ‘ دیانت ‘ ایثار اور قربانی سے وطن عزیز کا مستحکم و محفوظ ہے جبکہ بیلسٹک میزائل شاہین تھری کا کامیاب تجربہ اس بات کاثبوت ہے کہ افواج پاکستان نے دفاع وطن میں ایک اور سنگ میل عبور کرلیا ہے ۔
