لیوٹن برطانیہ (تیمور لون ) جموں کشمیر نیشنل عوامی پارٹی برطانیہ کے صدر صادق سبہانی ایڈووکیٹ نے اپنے بیان میں کہا کہ جموں کشمیر نیشنل عوامی پارٹی کی مقبولیت سے خائف ھو کر غاصب ملکوں کے حاشیہ برداروں اور غیر ملکی خفیہ ایجنسیوں کے تنخواہ داروں نے دانستہ پاکستانی قانون نیشنل ایکشن پلان کو جموں کشمیر نیشنل عوامی پارٹی کے مخفف “نیپ” سے تشبیہہ دینی شروع کی ھے تا کہ جموں کشمیر نیشنل عوامی پارٹی کے امیج کو کشمیریوں کی نظروں میں دھندلا سکیں۔
جموں کشمیر نیشنل عوامی پارٹی ایسی قبیح سوچ کی بھرپور مذمت کرتی ھے۔ تمام پارٹی ممبران و ذمہ داران کو پابند کیا جاتا ھی کہ وہ کہیں بھی پارٹی کا مخفف نام استعمال نہ کریں بلکہ پارٹی کے حرمت اور تقدس کیلئے پارٹی کا مکمل نام “جموں کشمیر نیشنل عوامی پارٹی” استعمال کریں۔
جموں کشمیر نیشنل عوامی پارٹی ھی کشمیر کی حقیقی آزادی و خود مختاری کی تحریک کی امین ھے جبکہ ھندوستان اور پاکستان نے خود مختار کشمیر کے بھی اپنے اپنے ورژن متعارف کرا رکھے ھیں جو حقیقی کشمیری سوچ پر پہرے بٹھانے کی ھر سازش میں کرائے کے دانشور کی حیثیت سے شامل ھوتے ھیں۔ مادر وطن جموں کشمیر کی حقیقی قومی آزادی، خود مختاری اور استحصال سے پاک خوشحال معاشرے کے قیام کیلئے جموں کشمیر نیشنل عوامی پارٹی اور جموں کشمیر نیشنل سٹوڈنٹس فیڈریشن ھر اوّل دستے کا کردار ادا کرتی رہیں گی۔
