اوسلو (پ۔ر) پاک۔ ناروے فورم کے چیف آرگنائزر اور متحرک سماجی شخصیت چوہدری اسماعیل سرور نے گذشتہ روز یہاں اوسلو میں پی ایچ ڈی سکالر اور صحافی سید سبطین شاہ سے ملاقات کی۔
سید سبطین شاہ چند سالوں کے بعد واپس ناروے آئے ہیں۔ملاقات کے دوران فعال صحافی عقیل قادر، پاک ناروے فورم کے راجہ عاشق حسین اور چوہدری سرور بھی موجود تھے۔
چوہدری اسماعیل سرور نے کہاکہ سیدسبطین شاہ نے اپنی پیشہ ورانہ صلاحیتوں سے اوسلوکو بیدارکئے رکھا۔ اس لئے اوسلوانہیں بھول نہیں سکتا۔انھوں نے مزید کہاکہ عقیل قادر اس طرح کی پیشہ ورانہ صحافتی سرگرمیوں کو جاری رکھے ہوئے ہیں تاکہ اوسلوہمیشہ مثبت خبروں میں رہے۔
سید سبطین شاہ نے چوہدری اسماعیل سرور کے تاثرات کا شکریہ اداکیااور کہاکہ نارویجن پاکستانیوں نے اپنے آبائی وطن پاکستان کی بہتری کے لیے گرانقدر خدمات انجام دی ہیں اور ناروے کی ترقی میں بھی ان کا کردار بہت اہم ہے۔
