شارجہ : پاکستان اور انگلینڈ سیریز کے تیسرے ٹیسٹ میں شارجہ کرکٹ اسٹیڈیم میں مدمقابل ہوں گے۔ قومی ٹیم کو سیریز میں ایک صفر کی برتری حاصل ہے۔ شاہینوں نے دبئی ٹیسٹ میں ایک سو اٹھہتر رنز سے کامیابی سمیٹی۔
فیصلہ کن ٹیسٹ کے لیے دونوں ٹیموں میں ایک ایک تبدیلی کا امکان ہے۔ اظہر علی سیریز میں پہلی بار ایکشن میں دکھائی دیں گے۔
آوٹ آف فارم اوپنر شان مسعود کو مڈل آرڈر بلے باز کے لیے جگہ خالی کرنا ہو گی۔ دوسری جانب انگلینڈ نے شارجہ ٹیسٹ کے لیے جوز بٹلر کو ڈراپ کرنے کا فیصلہ کرلیا ہے۔ آسٹریلیا کے خلاف ون ڈے سیریز میں سنچری سکور کرنے والے جیمز ٹیلر کو میدان میں اتارا جائے گا۔
