ایتھنز (سکندر ریاض چوہان) پاکستان عوامی تحریک کے سربراہ ڈاکٹر طاہر القادری جوکہ آج کل یورپ بھر میں تنظیمی دورے کررہے ہیں یونان کے چھ روزہ تنظیمی دورے پر جمعہ اٹھائیس اگست کو ایتھنز پہنچیں گے ان کے ہمراہ تحریک منہاج القرآن یورپ کے وفد کے ارکان بھی ہونگے۔
ڈاکٹر طاہرالقادری یونان کے دورہ کے دوران مختلف تنظیمی امور کے علاوہ ورکرز کنونشن میں شرکت کریں گے جبکہ وہ دو روز کے لیے یونان کے یونین سمندر میں واقع جزیرہ زاکینتھوس بھی جائیں گے اور وہاں سے وہ اولمپک کھیلوں کے جنم مقام اولمپیاکے قدیمی کھنڈرات اور اولمپک میوزیم بھی جائیں گے۔
ان کے دورہ یونان کے دوران یونانی آرتھوڈوکس چرچ کی اہم مذہبیاور سیاسی شخصیات سے ملاقاتیں بھی متوقع ہیں۔پاکستان عوامی تحریک یونان اور تحریک منہاج القرآن کے کارکنان ان کی یونان آمد پر کافی پرجوش پائے جاتے ہیں۔
