اسلام آباد : ایک طرف مذاکرات دوسری جانب مسلسل جارحیت اسی کو کہتے ہیں بغل میں چھری منہ میں رام رام۔ لائن آف کنٹرول پر بھارت مسلسل آؤٹ آف کنٹرول ہے۔
بھارتی فورسز نے آج بھی جنروڈ ، نکیال ، اور کاریلا سیکٹر میں بلااشتعال فائرنگ کی جس سے ایک شہری جاں بحق اور چار زخمی ہو گئے ۔ بار بار کی جارحیت پر چھٹی بار بھارتی ڈپٹی ہائی کمشنر کی دفتر خارجہ طلبی ہوئی۔
پاکستان نے شدید احتجاج کرتے ہوئے ایل او سی کی مسلسل خلاف ورزی پر تشویش کا اظہار کیا اور واضح کیا کہ بھارتی جارحیت خطے کے امن کے درپے ہے۔
پچھلے تین ماہ میں 70 سے زیادہ مرتبہ بھارت لائن آف کنٹرول اور ورکنگ باؤنڈری کی خلاف ورزی کر چکا ہے۔
