کراچی : ایم کیو ایم کے کارکنوں نے رینجرز کے نائن زیرو پر چھاپے کیخلاف احتجاج کیا۔ کارکنوں نے اس موقع پر شدید نعرے بازی کی۔
رابطہ کمیٹی کے ارکان نے پریس کانفرنس کرتے ہوئے کہا کہ رینجرز کے چھاپے کی مذمت کرتے ہیں۔
ایم کیو ایم رہنما فاروق ستار کا کہنا تھا کہ متحدہ کو تنہا کرنے کی کوشش کے منفی نتائج برآمد ہوں گے۔ بیرسٹر سیف نے کہا کہ ایم کیو ایم متحدہ کے کارکنوں کو بلاجواز گرفتار کیا گیا۔
قانون کے اندر رہ کر جدوجہد جاری رکھیں گے۔ متحدہ کے رہنما مصطفی عزیز آبادی نے گفتگو کرتے ہوئے ایم کیو ایم کے رہنماؤں اور کارکنوں کی گرفتاریوں کی مذمت کی۔
