ممبئی (جیوڈیسک) بالی ووڈ کے معروف اداکار رنبیر کپور اور ان کی دوست کترینہ کیف چھٹیاں منانے مالدیپ پہنچ گئے ہیں۔
بھارتی میڈیا کے مطابق گزشتہ چند ماہ سے کترینہ کیف اپنی زیر تکمیل فلموں ’’ فتور ‘‘ اور ’’ جگا جاسوس ‘‘ جب کہ ان کے دوست رنبیر کپور ’’ بمبئے ویلوٹ ‘‘ اور ’’ تماشا ‘‘ کی شوٹنگ میں مصروف تھے تاہم اب جیسے ہی دونوں ستاروں کو فراغت ملی تو وہ ایک ساتھ وقت گزارنے کے لئے مالدیپ پہنچ گئے جہاں وہ اکٹھے 2 ہفتے گزاریں گے۔
واضح رہے کہ کچھ عرصہ قبل رنبیر کپور اور کترینہ کیف اسپین گئے تھے جہاں دونوں کے ایک ساتھ گزارے گئے لمحات کی تصاویر بھی منظر عام پر آئیں تھیں جس پر انہوں نے شدید غم و غصے کا اظہار کیا تھا۔
