کراچی (جیوڈیسک) لندن میں الطاف کی ضمانت میں توسیع کا اعلان ہوتے ہی، کراچی میں ایم کیو ایم کے مرکز نائن زیرو پر جشن منایا گیا۔
کارکنوں کا جوش و خروش عروج پر، خوشی میں نعرے لگائے گئے اور ایک دوسرے کو مٹھائی بھی کھلائی- متحدہ قومی موومنٹ کے قائد الطاف حسین کی لندن میں پولیس اسٹیشن سے واپسی اور ضمانت میں توسیع کی خبر جب ایم کیو ایم کے مرکز نائن زیرو پہنچی تو کارکنان کی خوشی دیدنی تھی۔ خواتین اور بچوں کی بڑی تعداد نائن زیرو پہنچی۔
نائن زیرو پر الطاف حسین کے گھر اور ارد گرد کی عمارتوں کو برقی قمقموں سے سجایا گیا۔ جناح گراؤنڈ میں الطاف حسین کا خطاب دکھانے کے لئے بڑی اسکرین لگائی گئی تھی، جس پر کارکنان نے اپنے قائد کو تقریر کرتے ہوئے دیکھا بھی اور سنا بھی۔
کارکن اپنے الطاف حسین کی مراح سے بھرپور تقریر کے دوران نعرے لگاتے رہے- کارکنان نے نائن زیرو پر پارٹی ترانوں پر رقص کیا اور ایک دوسرے کو مٹھائیاں بھی کھلائیں۔
