کسی سے مقابلہ نہیں کرنا چاہتے، جو مقابلہ کریگا اسے شکست ہوگی، الطاف حسین

کراچی (جیوڈیسک) ایم کیو ایم کے قائد الطاف حسین نے کہا ہے کہ وہ کسی سے مقابلہ نہیں کرنا چاہتے جو مقابلہ کرنا چاہتا ہے کر لے، اسے شکست ہی ہوگی۔

جناح گراؤنڈ میں کارکنوں سے خطاب کرتے ہوئے متحدہ کے قائد کا کہنا تھا این اے 246 آپ کا حلقہ ہے ، امن بھی آپ نے ہی قائم رکھنا ہے۔

الطاف حسین نے کہا انہوں نے آج این اے 246 میں کچھ جماعتوں کی جلسیاں دیکھی ہیں۔ انہوں نے کہا کہ کارکن جلسوں کے دوران شائستہ زبان استعمال کریں۔

ان کا کہنا تھا کہ کارکن ہر قیمت پر امن برقرار رکھیں، گالی کا جواب گالی ، پتھر کا جواب پتھر سے نہ دیں، ریلیوں کا آمنا سامنا ہوا تو کارکن اپنا راستہ بدل لیں۔

ایم کیو ایم کے زیر اہتمام جناح گراؤنڈ میں میوزیکل پروگرام کا بھی اہتمام کیا گیا تھا جس سے کارکن لطف اندوز ہوتے رہے۔