کراچی (جیوڈیسک) تین روزہ دورے پر پاکستان آنے والے سری لنکن صدر میتھری پالا سری سینا کراچی میں قیام کے بعد اسلام آباد پہنچ گئے۔
سری لنکا کے صدر میتھری پالا سری سینا کراچی ایئرپورٹ پہنچے تو وزیراعلیٰ سندھ سید قائم علی شاہ نے ان کا پرتپاک استقبال کیا جہاں انہوں نے کچھ قیام کیا جس کے بعد وہ اسلام آباد روانہ ہوگئے۔ اسلام آباد ایئرپورٹ پہنچنے پروزیراعظم نوازشریف نے ان کا استقبال کیا جب کہ اس موقع پر انہیں 21 توپوں کی سلامی بھی دی گئی۔
سری لنکن صدر میتھری پالا سری سینا اپنے ہم منصب ممنون حسین اور وزیراعظم نواز شریف سمیت اعلیٰ حکومتی شخصیات سے ملاقات کریں گے اور اس دوران دو طرفہ تعلقات سمیت اہم امور پر تبادلہ خیال کریں گے۔
