معتبر ترین طبی ادارے پروحشیانہ حملہ قابل مذمت ہے، تخت لاہور کی پیداکردہ مافیا کا انجام قریب ہے، چوہدری اشفاق احمد جٹ
پیرس؍اسلام آباد(ایس ایم حسنین) پاکستان تحریک انصاف فرانس کے مرکزی راہنما چوہدری اشفاق جٹ نے کہا ہے کہ معتبر ترین طبی ادارے پروحشیانہ حملہ قابل مذمت ہے ،پاکستان میں ایسے قومی اداروں کو قائم کرنے میں برسوں کی محنت شامل ہےجسے منٹوں میں تہس نہس کردیا گیا۔ وکلا کے نام پر گینگسٹرز اور مافیاز کا حملہ انتہائی افسوس ناک ہے۔
ان کا کہنا تھا کہ لیگی مافیازکے سرغنہ لندن میں بیٹھ کر اپنے پالتو گلوبٹوں کو ایسے احکامات جاری کررہے ہیں مگر انھیں اب یہ سمجھ لینا چاہیے کہ ملک میں کس کی حکومت ہے۔ تخت لاہور کی پیداکردہ مافیا کا انجام قریب ہے اور ان کو بے نقاب کرنے کیلئے کافی ثبوت میڈیا اورعالمی میڈیا کے ذریعے لوگوں تک پہنچ چکے ہیں۔
