جس طرح حکومت نے پراپرٹی ٹائیکون کے ساتھ سوٹ کیسوں کے تبادلے کر کے اسے پشاور میں ہائوسنگ سکیم لگانے کی اجازت دی وہ حکومت کا اصلی چہرہ ہے، یاسمین فاروق
لاہور/اسلام آباد(ایس ایم حسنین)پاکستان پیپلز پارٹی لاہور کی پی آراو یاسمین فاروق نے اپنے بیان میں کہا ہے کہ حکومتی اہلکار جس طرح ایک تاجر اورپراپرٹی ٹائیکون کے ساتھ ڈیل کر کے ان سے بھاری رقوم سوٹ کیسوں میں وصول کر کے انکا اوراپوزیشن کا میڈیا ٹرائل کر رہے ہیں اس سے ظاہر ہوتا ہے کہ حکومت خود ایک بہت بڑے مافیا کا حصہ ہے یہ لوگ اندھا دھند کرپشن کی داستانیں رقم کر رہے ہیں۔
پراپرٹی ٹائیکون کیساتھ سیٹلمنٹ کے بہانے جس طرح اسے پشاور میں کاروبار کی اجازت ملی وہ حکومت کا گھنائونا چہرہ بے نقاب کرنے کیلئے کافی ہے۔
