اسلام آباد( مانیٹرنگ ڈیسک) سینئر صحافی زاہد گشکوری کا کہنا ہے کہ نواز شریف کا نام ای سی ایل سے نہ نکالے جانے کا معاملے کی وجہ اس وقت حکومت کا خود گو مگو کی صورتحال میں شکار ہونا ہے، حکومت یہ چاہ رہی تھی کہ شاید نیب یا ادارے نواز شریف کو بیرون ملک جانے کی
اجازت دے دیں۔ تفصیلات کے مطابق نجی ٹی وی چینل کے پروگرام میں گفتگو کرتے ہوئے صحافی زاہد گشکوری کا کہنا تھا کہ حکومت کی امیدوں کے بالکل برعکس ہوا جو بھی ہوا، نیب نے اپنی سفارشات پیش کر دی، اس لیے حکومت اب دو پہلوؤں پر غور کر رہی ہے، میری آج 6 وزراء سے بات ہوئی کہ میں کسی طرح اس مسئلے کو سمجھ سکوں کہ نواز شریف کی بیرون ملک روانگی میں تاخیر کیوں ہورہی ہے؟ حکومت یا تو سوچ رہی ہے کہ نواز شریف کو ون ٹائم ببیرون ملک جانے کی اجازت دے دی جائے یا پھر اس معاملے کو کابینہ میں لیجایا جائے، اگر نواز شریف کو ون ٹائم باہر جانے کی اجازت دی جاتی ہے پھر بھی کابینہ کی منظوری لینا ضروری ہے۔ زاہد گشکوری کا کہنا ہے کہ میں شریف فیملی کے کچھ افراد سے بھی بات چیت ہوئی ہے انکا کہنا ہے کہ حکومت شاید نواز شریف کو بیرون ملک بھیجنے میں تاخیری حربے استعمال کر رہی ہے اسکی وجہ یہ ہے کہ نواز شریف کو جو زہر دیئے جانے کا شبہ ظاہر کیا جارہا ہے تو حکومت اس ڈر میں ہے کہ کہیں یہ بات ٹیسٹوں میں سامنے نہ آجائے، یا پھر اس زہر کا اثر ابھی موجود ہے اور اسکا اثر ختم ہونے کا انتظار کیا جا رہا ہو، لیکن اس چیز کی بھی تصدیق نہیں کی جارہی کہ انکے ٹیسٹ کروائے گئے ہیں یا نہیں، لیکن ایک بات طے ہے کہ حکومت منگل کے روز ای سی ایل سے نام نکالنے کا معمالہ کابینہ کے سامنے رکھ دے گی، یہ بھی ہوسکتا ہے کہ حکومت اس معاملے کو عدالت میں لے جائے اور کہے کہ اگر عدالت باہر جانے کی اجازت دے گی تو نواز شریف باہر چلے جائیں، زاہد گشکوری کا مزید کیا کہنا تھا؟ ویڈیو آپ بھی دیکھیں :
https://twitter.com/i/status/1193549950535294977
