حکومت سابق صدر آصف علی زرداری کو علاج معالجہ سے محروم رکھ کرسیاسی انتقام کی بدترین مثال پیش کر رہی ہے، یاسمین فاروق
لاہور(نمائندہ خصوصی) پاکستان پیپلز پارٹی لاہور ویمن ونگ کی پی آر او یاسمین فاروق نے کہا ہے کہ حکومت سابق صدر آصف علی زرداری کوعلاج معالجہ سے محروم کر کے سیاسی انتقام کی بدترین مثال پیش کر رہی ہے۔
انہوں نے کہا کہ حکومت اپنے مقصد میں ناکام ہوگی اوروہ عوام کے حقیقی نمائندوں کو جیل میں رکھ کر یا بیماری میں پریشان کر کے اپنے مقاصد حاصل نہیں کر سکے گی۔ اس سے ملک کو مزید نقصان ہوگا اور ملک بدحالی کی طرف جائیگا۔ آمریت نے ملک کو دولخت کیا اور آج جمہوریت کے پردے میں آمریت نے کشمیر کے مقدمے کے سلسلے میں بھی ملک کو ناقابلِ تلافی نقصان پہنچایا ہے۔
عوام کے حقیقی نمائندے جب تک آزاد نہیں کیے جائیں گےاورپاکستان پیپلز پارٹی کے شریک چیئرمین آصف علی زرداری کو رہا نہیں کیا جاتا اوراپوزیشن اورحکومت مشترکہ لائحہ عمل اختیار نہیں کرتی مسئلہ کشمیر اورقومی سطح کی پالیسیاں قابل عمل نہیں ہوسکتی ہیں۔
