پیرس، دنیا کی نمبرون پروفیشنل آرمڈ فورسز کا اعزاز، پاک فوج کو سلام،قربانیاں دینے والی فوج پرتنقید مذموم سازش ہے، اشفاق جٹ
پیرس/اسلام آباد(ایس ایم حسنین ) پاکستان تحریک انصاف فرانس کے نامزد نائب صدر چوہدری اشفاق جٹ نے کہا ہے کہ پاک فوج کئی مرتبہ دنیا کی نمبرون پروفیشنل آرمی کا اعزاز حاصل کرچکی ہے۔ اندرونی اوربیرونی محاذوں پر قربانیاں دے کر پاک دھرتی کی لاج رکھنے والی پاک فوج اوراداروں کوبھونکنا مذموم سازش کا حصہ ہے۔
ان کا کہنا تھا کہ دھرنے والے اپنا ایجنڈا واضح کریں وہ جمہوریت کیلئے آئے ہیں یا پس پردہ اپنے آقائوں کے ایجنڈے کو پایہ تکمیل تک پہنچا رہے ہیں۔ کبھی پاک فوج کبھی اداروں اورکبھی دوسرے ملکوں کے جھنڈے لہرائے جارہے ہیں ۔ آخر یہ لوگ کس کی ڈیوٹی انجام دے رہے ہیں۔
انہوں نے کہا کہ دہشت گردی کا عفریت ہے کہ مظلوم پاکستانی عوام کا پیچھا چھوڑنے کو تیار ہی نہیں، اس پر مستزاد کہ مجبور و مقہور عوام پہلے ہی بے مقصد کاموں میں الجھے مہا کلاکار روایتی سیاست کے ہتھکنڈوں ، دھرنوں اورلاک ڈائون کا شکار ہیں، پے در پے سانحات، حادثات اور ناخوشگوار واقعات کا مقابلہ کرنے والی پاک فوج اورادارے ہماری پہلی دفاعی لائن ہیں، کوئٹہ کا حالیہ دلخراش سانحہ پاکستان پر قیامت بن کر ٹوٹا مگر کچھ راندئہ درگاہ احباب کی اپنی ہی ایجنسیوں اور پاک فوج پر زہرافشانی محبانِ وطن کو اور بھی افسردہ کر دیتی ہے۔
