وزیراعظم آزاد کشمیر راجہ فاروق حیدر خان کے دورہ یورپ سے کشمیر کی آزدی کیلئے جاری تحریکوں میں جان آئی ہے، مرزا مشتاق جرال ،مرزا ساجد جرال
برسلز/اسلام آباد( ایس ایم حسنین)بزرگ کشمیری راہنما و انٹر نیشنل کشمیر پیس فورم کے اعلی عہدیدار مرزا مشتاق جرال اور ممتاز نوجوان راہنما مرزا ساجد جرال نے وزیراعظم راجہ فاروق حیدر خان سے برسلز میں ملاقات کے دوران ان کی متحرک قیادت کی کھل کر تعریف کی۔ مرزا مشتاق جرال کا کہنا تھا کہ راجہ فاروق حیدر خان نے تحریک آزادی کشمیر کے بیس کیمپ کا قائد ہونے کا حق ادا کردیا۔ انہوں نے نہ صرف ملک بلکہ پورے یورپ میں آکر کشمیری راہنمائوں اور ان کی تحریکوں میں جان بھر دی ہے۔
راجہ فاروق حیدر خان کی قیادت میں تحریک آزادی کشمیر انشااللہ اپنی منزل حاصل کریگی۔ مرزا مشتاق جرال، مرزا ساجد جرال نے راجہ فاروق حیدر خان کی مسئلہ کشمیر کے حل کیلئے عالمی حمائت حاصل کرنے کیلئے کی جانے والی کاوشوں پر انہیں خراج تحسین پیش کیا۔مرزا مصدق نے اس موقع پر راجہ فاروق حیدر خان کو فرانس میں مقیم کشمیری کمیونٹی سے ملاقات کیلئے دورہ فرانس کی دعوت دی جس پر انہوں نے رضامندی ظاہر کی اور جلد کی مشاورت کے بعد اس کا باقاعدہ اعلان کیا جائے گا۔ ازاں بعد کہا کہ راجہ فاروق حیدر خان حقیقی معنوں میں قائد کشمیر ہیں اور ان کی مسئلہ کشمیر کے پرامن حل کیلئے عالمی سطح پر کی جانے والی کوشش تاریخ میں سنہرے حروف سے لکھی جائے گی۔
بقیہ: https://www.yesurdu.com/?p=1087860
