لاہور (ویب ڈیسک) وزیراعلیٰ پنجاب کے ترجمان شہباز گل نے کہا مریم اورنگزیب کو نوکری بچانے کیلئے شور کرنا پڑتا ہے، مریم فکرنہ کریں،عدالتیں آزاد ہیں لوٹی دولت واپس لائیں گے۔ تفصیلات کے مطابق وزیراعلیٰ پنجاب کے ترجمان شہباز گل نے ن لیگ کی پریس کانفرنس پر ردعمل دیتے ہوئے کہا کرپٹ لیگ ممبران کی بھی کیاقسمت ہے، چوروں کےدفاع کیلئےروزانہ جھوٹ بولناپڑتاہے۔شہبازگل کاکہنا تھا شہباز شریف، اشتہاری بچے دعویٰ کرتے تھے، 48گھنٹےمیں مقدمہ کریں گے، کھسیانی بلی کھمبانوچےکےمصداق ہمیں مقدمے کی دعوت دیتے ہیں۔وزیراعلیٰ پنجاب کے ترجمان نے کہا شہبازشریف نےمقدمہ کرنےکی بجائےآئیں بائیں پرمشتمل خط بھیجا، خط میں بھی شوبازشریف نےڈیلی میل کے الزامات کی تردید نہیں کی۔ان کا کہنا تھا مریم اورنگزیب کاقصورنہیں انہیں نوکری بچانےکیلئےشورکرناپڑتاہے، الٹا چور کوتوال کو ڈانٹے، کرپٹ لیگ ہمیں کہتی ہے مقدمہ کریں ، ٹی وی پر قوم کوگمراہ کرنے والے عدالتوں میں ثبوت نہ دے سکے۔شہبازگل نے مزید کہا کہ مریم فکرنہ کریں،عدالتیں آزادہیں لوٹی دولت واپس لائیں گے۔یاد رہے مسلم لیگ ن کی رہنما مریم اورنگزیب نے کہا تھا لیگل نوٹس شہبازشریف نے 25جولائی کوڈیلی میل کوبھیجا اور ڈیلی میل کاجواب 26جولائی کو آیا ہے، ڈیلی میل نےکہا8 اگست تک ہم خط کاجواب نہیں دےسکیں گے۔ن لیگی رہنما نے کہا تھا کہ شہزاداکبر کے پاس ثبوت ہیں تو وہ ضرور عدالت جائیں، برطانوی باشندے پر برطانوی قانون لاگو ہوتاہے، ڈیلی میل کے رپورٹر کے خلاف ہتک عزت کی کارروائی کا آغاز ہوچکا ہے، یو کے قانون کا سیکشن 4پڑھ لیں لیگل نوٹس پہلا قدم ہوتا ہے ۔ جبکہ دوسری جانب ایک خبر کے مطابق تجزیہ کارحسن نثار نے کہا ہے کہ آ صف زرداری اور شاہدخاقان عباسی کا ضمانت لینے سے انکار ایک حکمت عملی ہے ، اس کی وجہ یہ ہے کہ ان لوگوں کے پلے کچھ نہیں ہے ۔جیونیوز کے پروگرام ”رپورٹ کارڈ“میں گفتگو کرتے ہوئے حسن نثارنے کہااپوزیشن رہنماﺅں کے ضمانت لینے پر کہا جا سکتاہے کہ” غم دنیامیں غم یار بھی شامل کرلو“، آصف زرداری اور شاہدخاقان عباسی کا ضمانت لینے سے انکار ایک حکمت عملی ہے ، اس کی وجہ یہ ہے کہ ان لوگوں کے پلے کچھ نہیں ہے ۔انہوں نے کہا کہ اب مجھے ان باتوں سے کوئی غرض نہیں کہ کس سیاسی جماعت کا بیڑاغرق ہوتا یا اس کے ساتھ کیا ہوتا؟ میری دلچسپی تو بس اس میں ہے کہ کوئی ایسا کام بھی ہوتا ہے جس سے عوام کو فائدہ ہوتاہے اور اگر ایسا نہیں ہوتا تو پھر سب فضول ہے ۔