پیپلز پارٹی پنجاب کے ہردلعزیز راہنما چوہدری قمرالزماں کائرہ کے شانہ بشانہ پنجاب کو پیپلز پارٹی کا ناقابل تسخیر قلعہ بنانے تک چین سے نہیں بیٹھیں گے، قاری فاروق احمد فاروقی
پیرس؍اسلام آباد( ایس ایم حسنین) پاکستان پیپلز پارٹی پنجاب کے نومنتخب ممبر پنجاب کونسل قاری فاروق احمد فاروقی نے کہا ہے کہ پیپلز پارٹی پنجاب صدر چوہدری قمرالزماں کائرہ کی ولولہ انگیز قیادت میں تیز رفتاری سے اپنی منزل کی طرف گامزن ہے اور ان کے شانہ بشانہ بطور ممبرپنجاب کونسل پنجاب کو پاکستان پیپلزپارٹی کا ناقابل تسخیر قلعہ بنانے تک چین سے نہیں بیٹھیں گے۔
انہوں نے کہا کہ اسٹیبلشمنٹ اور غیر جمہوری قوتوں کی ریشہ دوانیوں نے پاکستان پیپلز پارٹی کو ہمیشہ نقصان پہنچانے کی کوشش کی مگر قدرت کی بہترین نعمت کے شکر گزار ہیں کہ پاکستان میں پرو بھٹو نظریہ اس قدر مضبوط ہوتا گیا اور اسٹیبلشمنٹ اور اس کی حامی قوتوں کیلئے شہید ذوالفقار علی بھٹو کے کہے ہوئے الفاظ پتھر کی لکیر ثابت ہوئے اور شہید بھٹو نے ایک عظیم الشان جلسہ میں لاکھوں کے مجمع سے خطاب کرتے ہوئے کہا ایک ذوالفقار علی بھٹو یہ ہے جو آپ کے سامنے کھڑا ہے دوسرے آپ ، آپ میں سے ہر ایک ذوالفقار علی بھٹو ہے ۔ بے شک قدر ت نے شہید بھٹو کے الفاظ کی لاج رکھی اور آج ہم اور ہم میں سے ہر ایک شہید ذوالفقار علی بھٹو بن کر اس ملک کی ترقی وخوشحالی کیلئے جدوجہد کر رہا ہے اور انشااللہ کرتے رہیں گے۔
چوہدری قمرالزماں کائرہ کی انتھک کوششوں اور بے پناہ قربانیوں سے پیپلز پارٹی نے پنجاب میں لالہ موسیٰ کے خطے سے سراٹھانا شروع کیا ہے اور انشااللہ اپنے عظیم لیڈر اور گائیڈ چوہدری قمرالزماں کائرہ کے شانہ بشانہ اس مشن کی تکمیل پنجاب کو پیپلز پارٹی کا ناقابل تسخیر قلعہ بنانے تک چین سے نہیں بیٹھیں گے۔
