قائد پاکستان میاں محمد نواز شریف کے کارکنوں کو دبانا ناممکن انشااللہ متحد ہوکر جدوجہد جاری رکھیں گے، چوہدری شمشاد احمد
پیرس؍اسلام آباد( ایس ایم حسنین) پاکستان مسلم لیگ ن فرانس کے سینئر راہنما چوہدری شمشاد احمد نے اپنے ایک بیان میں کہا ہے کہ مسلم لیگ ن کی حکومت نے پاکستان کو ہر مرتبہ پہلے سے بہتر کیا مگر محلاتی سازشوں نے ہر بار ملک کو نقصان پہنچایا۔اانہوں نے کہا کہ آج ڈالر جس سطح پر ہے اس کی وجہ سے ملک میں مہنگائی کا طوفان آیا ہوا ہے جس سے نمٹنے کی اہلیت موجودہ وفاقی حکومت میں نہیں ہے
انہوں نے کہا کہ خوشحال کے انڈیکس کو دیکھنا ہو تو مسلم لیگ ن کا دور حکومت مثالی نظر آتا ہے۔انہوں نے مزید کہا کہ جس طرح قائد پاکستان کے مقدمے میں انصاف کا قتل عام کیا گیا اس کی مثال ماضی میں کہیں نہیں ملتی۔ان کا کہنا تھا کہ پاکسان کے عوام آج بھی مسلم لیگ ن کے ساتھ ہیں اور محترمہمریم نواز نے رائے عامہ کو ہموار کر کے اس پر مہرثبت کر دی ہے۔انشااللہ کارکنوں کو دبانا اب حکومت کے بس سے باہر ہے اور متحد ہو کر اپنی منزل کے حصول تک جدوجہد جاری رکھیں گے۔
