پاکستان میں تمام مسائل کی ماں عوامی مینڈیٹ کی بار بار چوری ہے، جاوید بٹ
پیرس؍اسلام آباد(ایس ایم حسنین) پاکستان مسلم لیگ ن فرانس کے سابق صدر جاوید بٹ نے کہا ہے کہ عوام کو اپنے مسائل بڑھتے ہوئے نظر آنا شروع ہوچکے ہیں اورالحمد للہ ان کا سب سے بڑا سبب بھی معلوم ہوچکا ہے جو کہ باربار ان کے مینڈیت کی چوری ہے ۔
ان کا کہنا تھا کہ ایک طرف عوام کے ووٹوں کی بار بار ہونے والی چوری ہے جو سب سے بڑی چوری ہے اور اس سے پاکستان کو سب سے زیادہ نقصان ہوا ہے۔ دوسری طرف چھوٹی موٹی چوریاں جو اس بڑی چوری سے جنم لیتی ہیں، ان چھوٹی موٹی چوریوں کی مرچ مسالوں سے مزین کہانیاں سنتے اور سناتے رہو تاکہ سب سے بڑی چوری کی شدت اور اس کے اثرات کا عوام کو ادراک ہی نہ ہو سکے اور نہ پاکستان مسائل کے منجھدار سے باہر آ سکے۔
