نوازش ہو تو ایسی : عمران خان نے اپنے اسد عمر کو ایک اور عہدے سے نواز دیا

اسلام آباد (ویب ڈیسک)وزیراعظم عمران خان نے سابق وزیر خزانہ اسد عمر کو قومی ترقیاتی کونسل کا رکن مقرر کر دیا ہے ۔ میڈیا ذرائع کے مطابق اسد عمر کو قومی ترقیاتی کونسل کا رکن مقرر کرنے کا نوٹیفکیشن جاری کر دیا گیا ہے ، یہاں یہ امر بھی قابل ذکر ہے کہ وزیراعظم نے قومی ترقیاتی کونسل کی منظوری دے کر ممبران کا اعلان گزشتہ ماہ جون میں کیا تھا جب کہ آرمی چیف جنرل قمر جاوید باجوہ بھی اس کونسل کے ممبر ہیں۔ یاد رہے کہ وزیراعظم عمران خان نے وفاقی کابینہ میں بڑے پیمانے پر رد وبدل کیا تھا جس میں اسد عمر کا قلمدان بھی تبدیل کیا گیا لیکن انہوں نے کوئی اور وزارت لینے سے انکار کرتے ہوئے کابینہ سے استعفیٰ دے دیا تھا تاہم بعدازاں انہیں قومی اسمبلی کی قائمہ کمیٹی برائے خزانہ کا چیئرمین تعینات کیا گیا تھا۔