اسلام آباد(ویب ڈیسک) ملک بھر میں سونے کی قیمتوں کو پر لگ گئے، صرافہ مارکیٹوں میں سونے کی فی تولہ قیمت 600 روپے تک مہنگی ہو گئی۔نجی ٹی وی چینل کے مطابق امریکی ڈالر کے مقابلے میں روپیہ کے کمزور ہونے کے بعد مہنگائی کا جن بوتل سے باہر نکل آیا ہے، صرافہ مارکیٹوں میں فی تولہ سونے کی قیمت 600 روپے اضافہ کے بعد 72100 روپے تک پہنچ گئی ہے۔ ذرائع کے مطابق کراچی، لاہور، اسلام آباد، راولپنڈی، پشاور، گوجرانوالہ، کوئٹہ، سیالکوٹ، ملتان سمیت دیگر صرافہ مارکیٹوں میں دس گرام سونے کی قیمت 56 ہزار 663 روپے ہو گئی ہے۔
