راولپنڈی(سید گلزار ساقی، دیس پردیس سپیشل) راولپنڈی پولیس جوکہ گوناگوں مسئال کا شکار ہے،ان دیرینہ مسائل سے محکمہ پولیس کے اعلیٰ حکام یکسر نابلد ہیں ان کا حل کیسے ممکن ہے۔
سب سے پہلے ہم راولپنڈی پولیس کے رہائشی مسائل کا ذکر کریں گے۔ راولپنڈی پولیس جوکہ طویل ضلع ہے اس میں محکمہ پولیس کی ذمہ داریاں انتہائی مشکل جبکہ تعداد صرف 10 سے 12 ہزار ہے 8 ہزار تقریباًکانسٹیبل، ہیڈ کانسٹیبل، 500 کے قریب اے ایس آئی صاحابان 100 کے قریب ایس ایچ اوز، ایس ایس پیز اوربقیہ افسران بالا ہیں
مسائل بہت زیادہ ہیں مگر ہم صرف رہائشی اور آمدورفت وغیرہ کا ذکر کریں گے۔تاکہ وزیر اعلیٰ پنجاب اور راولپنڈی پولیس کے اعلیٰ افسران ان مسائل پر غورکریں تاکہ پنجاب پولیس اور خصوصاً راولپنڈی پولیس کے اہلکاروں کیلئے بہتری ہوسکے۔
پولیس اہلکار پاکستان کے دوردراز علاقوں سے تعلق رکھتے ہیں اور قریبی علاقوں سے بھی ہیں مگر رہائشی کالونی صرف ایک ہے مشکل سے چند سو اہلکاروں کیلئے رہائشی مکانات میسر ہیں وہ بھی 20 سے 40 سال پرانے ہیں ۔
ان دیرینہ مسائل کو حل کرنے کیلئے اعلیٰ عہدیداروں کو آگے آنا چاہیے تاکہ جومینٹیننس کی مد میں کروڑوں روپے خرچ کئے جاتے ہیں ان سے نئی رہائشی کالونیاں کیوں نہیں بن سکتیں۔ ایک پولیس اہلکار کو 3 سے 4ہزار ہائوس رینٹ میسر ہے جبکہ ایک بیٹھک بھی آجکل 5 ہزار سے کم نہیں ملتی ۔
دیہاتوں میں بھی اس رقم سے آپ رہائش کا بندوبست نہیں کرسکتے۔ سی پی او راولپنڈی اور آر پی ا وراولپنڈی سے انتہائی عاجزی کے ساتھ ہم ان مسائل کی طرف توجہ دلانا چاہتے ہیں امجد سلیمی صاحب بہت سے رفاعی کاموں میں پیش پیش ہیں ان سے التجا ہے کہ بیرکوں میں محصور اپنے اہلکاروں پر توجہ دیں۔ کہ ان کے لوگ احسن طریقے سے اپنے فرائض سرانجام دے سکیں۔
اگر آج یہ کام شروع ہوگا تو 8 سے 10ہزار پولیس اہلکاروں میں سے کچھ کو تو ریلیف ملے گا۔
دیس پردیس ٹی وی نے یہ بیڑا اس لئے اٹھایا ہے کیونکہ ان مسائل کی طرف اعلیٰ افسران کی توجہ نہیں دلائی جارہی اور پولیس کمیونٹی بہت زیادہ مسائل کا شکار ہے۔ اگر سنجیدگی سے اس مسئلہ کو حل کرنے میں پیشرفت کی جائے تو ہمارے غریب اہلکاراور کی فیملیز بچے سکون کی زندگی گزار سکتے ہیں۔
رپورٹ: سید گلزار ساقیسید گلزار ساقی کرائم اینڈ کورٹ رپورٹرز ایسوسی ایشن کے مرکزی راہنما اور سینئر رپورٹر ہیں ۔ ان کی رپورٹ کے متعلق آپ کی قیمتی رائے ہمارے لئے بہت اہم ہے۔
