کراچی (ویب ڈیسک) سابق وزیرقانون پنجاب رانا ثناہ اللہ کہتے ہیں کہ لگتا ہے کہ وزیراعلیٰ پنجاب عثمان بزداربشریٰ بی بی کا استخارہ ہیں ، وہ انھیں کبھی نہیں ہٹائیں گے، وزیراعظم عمران خان اور وزیر ریلوے شیخ رشید احمد سمیت حکمران طبقے کی فائلیں بننا شروع ہوگئی ہیں جو جلد سامنے آئیں گی ، سابق صوبائی وزیر قانون رانا ثناء اللہ نے کہا ہے کہ وزیراعظم عمران خان اور وزیر ریلوے شیخ رشید احمد سمیت حکمران طبقے کی فائلیں بننا شروع ہوگئی ہیں، ایک سال کے اندر ان کی اخلاقی دستاویزی فائلیں سامنے آجائیں گی ، وزیراعلیٰ پنجاب عثمان بزدار پیرنی کے استخارہ کی پیدوار ہیں ،بتایا جائے زلفی بخاری اور نعیم الحق کس کارکردگی کی بناء پر معاون خصوصی بنائے گئے؟ نجی ٹی وی چینل سے گفتگو کرتے ہوئےرانا ثناء اللہ کا کہنا تھا کہ مسلم لیگ (ن) پارلیمنٹ کا ماحول خراب کرنا نہیں چاہتی بلکہ ہم چاہتے ہیں کہ عوامی مسائل پارلیمنٹ کی کی سطح پر حل ہوں ،وزیر اعظم عمران خان میرٹ کی بہت بات کرتے ہیں، بتایا جائے کہ زلفی بخاری ، عون چوہدری اور نعیم الحق کا میرٹ کیا ہے ؟۔ رانا ثناء اللہ نے کہا کہ شیخ رشید6مرتبہ نوازشریف دور میں وزیر رہے ،اب وہ پبلک اکاؤنٹس کمیٹی کو اکھاڑہ بنانے جا رہے ہیں، ان کی ذاتی طور پر کوئی حیثیت نہیں،، انہوں نے کہا کہ حکمران طبقہ نے اخلاقی پستگی کی نئی مثالیں قائم کردی ہیں ، پی ٹی آئی دور کے بعد سانحہ ساہیوال کی حقیقت سامنے آئے گی ۔انہوں نے کہا کہ بیماری کے باعث قانون کے تحت ریلیف ملنا ڈیل اورڈھیل نہیں،نوازشریف کے دل کا آپریشن اور شہبازشریف کا کینسر کا مریض ہونا ایک حقیقت ہے ۔
