گجرانوالہ) ویب ڈیسک) پنجاب کے اہم شہر گجرانوالہ میں پیر گردی کا ایک اور واقعہ سامنے آیا ہے ،، جہاں کے علاقے خیالی شاہ پورہ میں والدین کی جانب سے بکرے کی خریداری کے لیے رقم کی عدم ادائیگی پر ‘روحانی پیشوا’ نے مبینہ طور پر ان کے نوجوان بیٹے کو آگ میں جھونک دیا۔ پولیس نے رپورٹ درج کر لی ہے ،، پولیس کے مطابق فیصل کالونی کا رہائشی 19 سال شان بے ہوش ہوگیا تھا جس پر اس کے والدین علاج کی غرض سے اسے شاہ محمد نامی روحانی پیشوا کے پاس لے کر گئے،، روحانی پیشوا نے نوجوان کا معائنہ کرنے کے بعد دعویٰ کیا کہ شان پر کالا جادو کیا گیا ہے جسے ختم کرنے کے لیے ایک بکرے کو ذبح کرنا ہوگا تاکہ اسے بچایا جاسکے،، اس کے علاوہ ‘پیر’ کی جانب سے بکرے کے انتخاب اور اس کی خریداری کے لیے رقم طلب کی گئی۔رپورٹ کے مطابق جب شان کے والدین نے ‘پیر’ کو بتایا کہ وہ مذکورہ رقم ادا نہیں کرسکتے تو روحانی پیشوا غصے میں آگیا اور نوجوان کو ایک علیحدہ کمرے میں لے جا کر آگ میں جھونک دیا،، بیٹے کی چیخ و پکار سن کر شان کے والدین نے اپنے کچھ رشتہ داروں کی مدد سے مذکورہ کمرے کا دروزہ توڑا تو بیٹے کو انتہائی تشویشناک حالت میں پایا، جس کا چہرا اور سینا آگ کی وجہ سے جھلس چکا تھا،، تاہم اس دوران ملزم فرار ہونے میں کامیاب ہوگیا تھا،،پولیس نے واقعے کا مقدمہ درج کرکے ملزم کی تلاش کا کام شروع کردیا جو آخری رپورٹس آنے تک فرار ہے۔
بکرے کے پیسے نہ دینے پر جعلی پیر نے ایک جوڑے کے جواں سال بیٹے کے ساتھ کیا سلوک کر ڈالا
