لاہور (ویب ڈیسک ) سینئر صوبائی وزیر علیم خان نے چوہدری نثار کو آڑے ہاتھوں لیا ہے ان کا کہنا ہے کہ اگر چوہدری نثار نے اپنے دور حکومت میں آصف زرداری کے خلاف مقدمہ میرٹ پر بنایا تھا تو آج وہ کیسے میرٹ کے بر عکس ہو گیا ۔۔ ان کا کہنا تھا کہ یہ فیصلہ تو ان کے اپنے دور حکومت میں نا تھا اور آج یہہ کہہ رہے ہیں کہ مقدمہ ناجائز ہے تفصیلات کے مطابق نجی ٹی وی کے پروگرام میں گفتگو کرتے ہوئے علیم خان نے کہا کہ جتنے کیسز پر ہم آج رو رہے ہیں ،یہ تمام مقدمات ان کے ایک دوسرے پر بنائے ہوئے ہیں، ان میں کوئی مقدمہ عمران خان کابنایا ہوا نہیں ہے بلکہ یہ ضرور ہے کہ ان مقدمات پر کام ہورہاہے ۔انہوں نے کہا کہ نیب میں میرے خلاف بھی کیسز بنے ہیں جب میں نے این اے 122کاالیکشن لڑا تھا اس کے بعد میرے خلاف نیب میں کیس بنا ۔انہوں نے کہا کہ اگر چودھری نثار نے آصف زرداری کیخلاف مقدمہ میرٹ پر بنایا تو آج یہ کس طرح یہ میرٹ کے برعکس ہوگیا ، ان کو اس کیس کادفاع کرنا چاہئے ، انہوں نے کہا کہ مسلم لیگ ن اور پیپلز پارٹی ایک دوسرے کیخلاف سچے اور چھوٹے مقدمات بناتے رہے اور اگر اس وقت مسلم لیگ ن کی حکومت ہوتی تو صرف پیپلز پارٹی کے خلاف کیسز کھل رہے ہوتے ۔
چکری کے چوہدری کو آصف زراداری کے مقدمے کو ناجائز قرار دینا مہنگا پڑ گیا
