لاہور (ویب ڈیسک ) عمران خان کے پسندیدہ وزیر اعلیٰ عثمان بزدار حکومت کی سادگی پالیسی کی دھجیاں اڑا دی ۔۔۔ عثمان بزدار نے وی آئی پی فلائٹس کے لئے حکومت سے 2 کروڑ 21 لاکھ روپے کے اضافی فنڈز مانگ لیے انہوں نے اپنے سفر اور سرکاری میٹنگز کے لیے
ہوائی رستہ استعمال کرنے اور سرکاری ہیلی کاپٹر کے لیے یہ تمام فنڈز مانگے ہیں ۔تفصیلات کے مطابق نجی ٹی وی کے مطابق وزیر اعلیٰ پنجاب نے نہ صرف ہیلی کاپٹر اڑانے کیلئے 2 کروڑ 21 لاکھ روپے کے اضافی فنڈز مانگے ہیں بلکہ کل (منگل کو) صوبائی ذیلی کابینہ برائے خزانہ کا اجلاس بھی طلب کر لیا ہے۔ صوبائی ذیلی کابینہ برائے خزانہ کے اجلاس میں وی آئی پی فلائٹس کے لئے 2 کروڑ 21 لاکھ روپے کی سپلیمنٹری گرانٹ کی منظوری دی جائے گی۔محکمہ سروسز اینڈ جنرل ایڈمنسٹریشن ڈیپارٹمنٹ کے کیبنٹ ونگ کی جانب سے اجلاس طلب کرنے کا نوٹیفکیشن جاری کر دیا گیا ہے۔واضح رہے کہ رواں مالی سال حکومت پنجاب نے وزیراعلیٰ کے سفر کے لیے 14 کروڑ 67 لاکھ روپے مختص کیے ہیں لیکن یہ اضافی فنڈز مختص کردہ فنڈز سے الگ مانگے گئے ہیں۔
۔وزیر اعلیٰ عثمان بزدار نے بھی اپنا رنگ دکھا دیا ، حکومت کو کتنے کروڑ کا ٹیکہ لگا دیا ؟
