رائیونڈ (ویب ڈیسک) رائیونڈ کے علاقہ موضع لدھیکی میں ایک نئے منشاء بم کا انکشاف ہوا ہے ،جس نے ٹیکنیکل طریقے سے کئی لوگوں کی جائیدادیں ہتھیا لی ہیں ،چیف جسٹس کی طرف سے مساجد میں قبضہ گروپوں کیخلاف کارروائی کا سن کر اور مقامی پولیس کے یکطرفہ رویے سے مایوس درجنوں متاثرین سماجی شخصیت فرمان علی بھٹی کے ڈیرہ پرتحریک انصاف کے مقامی رہنماء صفدر علی عرف صبن کیخلاف سراپا احتجاج بن گئے ،متاثرین میں شامل عنائت علی ،محمد انور ،شوکت علی ،محمد منشاء ،منشی گلاب ،بیوہ زرینہ بی بی اور متعدد خواتین و حضرات نے احتجاج کرتے ہوئے بتایا کہ محمد صفدر عرف صبن بھٹی اپنے ساتھی پرویز کے ساتھ ملکر ا ب تک درجنوں سے زائد افراد سے زمینی فراڈ کرچکا ہے ، کئی لوگوں کو دھوکہ دہی سے لاکھوں روپے سے محروم کردیا گیا ہے ،بااثر قبضہ گروپ کے خوف سے کئی لوگ اپنی ملکیتی زرعی اراضی پر کاشت کرنے سے ڈرتے ہیں ،اور ان کی فصلیں تباہ ہو گئی ہیں،یہ شخص کئی لوگوں کے تنازعات میں پنچائتی بن کر ضمانتاً لاکھوں روپے ڈکار چکا ہے ،قبضہ گروپ کو سیاسی شخصیات ،پولیس اور محکمہ مال کے کرپٹ افسروں کی سپورٹ حاصل ہے ، کاغذات میں ٹیکنیکل انداز میں ہرپھیر کرنے کا ماسٹر ہے ،جس کی و جہ سے متاثرین کی کہیں شنوائی نہیں ہوتی ،چیف جسٹس سے انصاف دلوائیں ،پولیس چوکی لدھیکی کے انچارج شفیق الرحمن نے بتایا کہ چند متاثرین ان تک پہنچے ہیں ،فریقین کی بات سن کر فیصلہ کریں گے صفدر عرف صبن بھٹی نے بتایا کہ فرمان بھٹی اس کا سیاسی مخالف ہے جو ایک منصوبہ بندی کیساتھ ڈرامہ بازی کررہے ہیں۔