گھر سے باہر کسی ریسٹورنٹ میں مزیدار کھانوں سے لطف اندوز ہونا یقیناً ہمیشہ ایک مختلف تجربے کا باعث بنتا ہے- عموماً لوگ کھانے کے لیے ایسے ریسٹورنٹ کا انتخاب کرتے ہیں جہاں کا نہ صرف کھانا مزیدار ہو بلکہ اردگرد کا ماحول بھی انتہائی دلچسپ٬ دلکش اور منفرد ہو کیونکہ ماحول بھی آپ کے مزاج پر گہرے اثرات مرتب کرتا ہے- اسی حقیقت کو مدنظر رکھتے ہوئے آج ہم آپ کو دنیا کے چند ایسے منفرد ریسٹورنٹ دکھائیں گے جہاں آپ نہ صرف مزیدار کھانوں سے لطف اندوز ہوسکتے ہیں بلکہ یہاں گزارے جانے والے لمحات ہمیشہ کے لیے ایک خوبصورت یادگار بن سکتے ہیں-
عمودییہ ہوٹل میں بنکاک میں واقع ہے اور اس 61 منزلہ ہوٹل کی خاصیت یہ ہے کہ اس کی بلند ترین چھت پر رات کے کھانے سے لطف اندوز ہونے کے ساتھ ساتھ آپ شہر بھر کا روشنیوں سے جگمگاتا خوبصورت نظارہ کرسکتے ہیں- لیکن یہ ایک مہنگا ترین ہوٹل بھی ہے اس لیے اس نظارے کے لیے آپ کو ایک بھاری رقم ادا کرنی پڑ سکتی ہے-
A380 میں پرواز باورچی خانےیہ جگہ ان کے لیے زیادہ موزوں ہے جو جہاز کے کھانوں کو پسند کرتے ہیں- جی ہاں یہ انوکھا ریسٹورنٹ تائیوان میں واقع ہے جو کہ ایک جہاز کے اندر ڈیزائن کیا گیا ہے- اس ہوٹل کے کھانے کے ذائقے کی بھی تعریف کی جاتی ہے جبکہ اپنے منفرد ماحول کی وجہ سے یہاں ڈنر کرنا ایک خوبصورت یادگار بن جاتا ہے-
آبشار کا ریسٹورانٹیہ ریسٹورنٹ فلپائن کے ڈیم سے بہتے ہوئے پانی کے قریب قائم کیا گیا ہے لیکن یہ ریسٹورنٹ صرف دوپہر کے کھانے کے لیے کھولا جاتا ہے- یقیناً اس نظارے کے ساتھ لنج کرنا انتہائی لطف کا باعث بنتا ہے لیکن بہتے پانی کی وجہ سے یہ مقام کچھ بھیگا ہوا بھی ہوتا ہے-
ریویڈی ریزورٹ میں گریٹویہ ریزورٹ تھائی لینڈ کے خوبصورت ساحل کے کنارے واقع ہے اور یہاں مزیدار ڈنر کے ساتھ ساتھ سمندر کے دلکش نظارے بھی کیے جاسکتے ہیں- یہ ریسٹورنٹ چونے پتھر کی چٹانوں کے نیچے قائم کیا گیا ہے-
ولا رمیوییہ ریسٹورنٹ اگین سمندر کے کنارے واقع ہے اور اپنے مہمانوں کو چند زبردست نظاروں کی پیشکش کرتا ہے- ان خوبصورت نظاروں میں آتش فشاں پہاڑ٬ پانی کا نظارہ اور اس پر چلتے دیوقامت کروز شپ شامل ہیں- اس ریسٹورنٹ کے خاص کھانوں میں سمندری غذائیں شامل ہیں-
فینگواگ ریسٹورانٹیہ ایک خوفناک ریسٹورنٹ ہے کیونکہ یہ آدھا چٹان کے اندر تعمیر ہے جبکہ باقی چٹان کے ساتھ باہر کی جانب ہوا میں معلق ہے اور اس کے نیچے ینگتس دریا بہہ رہا ہے- چین میں واقع اس ریسٹورنٹ میں بیٹھ کر کھانے سے لطف اندوز ہونا کمزور دل والوں کے بس کی بات نہیں-
محفوظ ہاؤس ریسٹورانٹیہ ایک منفرد تھیم کا حامل ریسٹورنٹ ہے جو کہ ویسکونسن میں واقع ہے- یہاں داخلے کے لیے آپ کو ایک پاسورڈ دیا جاتا ہے اور اس کے ساتھ ہی آپ ایک جاسوس کا روپ دھار لیتے ہیں اور مشن شروع ہوجاتا ہے- یہاں کھانوں کے نام بھی دلچسپ ہیں جیسے کہ چارلی چیک پوائنٹ یا ڈبل ایجنٹ وغیرہ-
پیلے رنگ کے درخت کے گھر کیفےاگرچہ یہ کولی ریسٹورنٹ نہیں ہے تاہم یہ ٹری ہاؤس کیفے مختلف پارٹی یا تقریبات کے لیے کرایہ پر فراہم کیا جاتا ہے- یہ ٹری ہاؤس کیفے نیوزی لینڈ میں واقع ہے- اگر آپ کسی ٹری ہاؤس میں بیٹھ کر کھانے سے لطف اندوز ہونا چاہتے ہیں تو اس کے لیے یہ ایک بہترین مقام ہے-
