خادم حسین رضوی کو گرفتار کر لیا گیا

لاہور(ویب ڈیسک)پولیس نے تحریک لبیک کے سربراہ خادم حسین رضوی کو گرفتار کرلیا ہے ۔
نجی ٹی وی سٹی 42 کے مطابق تحریک لبیک پاکستان کے سربراہ خادم حسین کو گرفتار کر لیا گیا ہے جبکہ اشرف آصف جلالی کی گرفتاری کیلئے پولیس مسلسل چھاپے ما رہی ہے ۔ دوسری جانب خادم اشرف آصف جلالی کے استاد مفتی ظہور کو بھی مانگا منڈی سے پولیس نے اپنی حراست میں لے لیاہے ۔تینوں اہم مذہبی رہنماوں کو گرفتار 25 نومبر کو احتجاج کی کال دینے پر کیا گیا ہے ۔یاد رہے کہ آسیہ بی بی کی سپریم کورٹ سے رہائی کے بعدتحریک لبیک نے پورے ملک میں دھرنے دیے اور احتجاج کیا جبکہ مختلف مقامات پر تشدد مظاہرین نے عوامی املاک کو بھی نقصان پہنچایا جس پر حکومت کی جانب سے سخت رد عمل دیکھنے میں آیا اور گرفتاری بھی عمل میں لائیں گئیں تاہم خادم حسین رضوی نےتوڑ پھوڑ کرنے والوں سے اظہار لاتعلقی بھی کیا تھا ۔