ممبئی(ویب ڈٰیسک)بالی ووڈ اداکارہ پریانکا چوپڑا نے رواں برس دسمبر میں اپنے منگیتر اور امریکی گلوکار نک جونس کے ساتھ ازدواجی بندھن میں بندھنے کا فیصلہ کرلیا۔بھارتی میڈیا رپورٹس کے مطابق پریانکا اور نک جونس نے یکم دسمبر کو ازدواجی بندھن میں بندھنے کا فیصلہ کیا ہے وہ اپنی شادی کی تقریب بیرون ملک
نہیں بلکہ بھارت میں ہی رکھیں گی۔رپورٹ کے مطابق جودھ پور میں واقع ’عمید بھون‘ میں شادی کی تقریب کا انعقاد کیا جائے گا جو مسلسل ایک ہفتے تک جاری رہیں گی، مہمانِ خصوصی کے علاوہ عام مداحوں کو بھی شرکت کی اجازت ہوگی۔بالی ووڈ سے موصول ہونے والی اطلاعات کے مطابق دونوں کی شادی ہندو مذہبی طریقے سے ہوگی جبکہ ڈھولکی کی تقریب کا بھی خصوصی اہتمام کیا جائے گا، پریانکا اپنی شادی پر مسیح دلہنوں والا لباس زیب تن کریں گی۔یاد رہے کہ نک جونس اور پریانکا کے درمیان رواں برس جولائی میں منگنی ہوئی، امریکی گلوکار کے اہل خانہ ممبئی پہنچے تھے اور تقریب میں صرف مخصوص لوگوں کو شرکت کی دعوت دی گئی تھی۔واضح رہے کہ بالی ووڈ اداکارہ نے ممکنہ منگنی کے پیش نظر اپنی نئی آنے والی فلم ’بھارت‘ سے کنارہ کشی اختیار کرلی تھی جس کے بعد کترینہ کیف کو اُن کی جگہ مرکزی کردار دیا گیا۔’بھارت‘ کے ہدایت کار علی عباس ظفر نے سماجی رابطے کی ویب سائٹ پر تصدیق کی کہ اب پریانکا فلم کی کاسٹ کا حصہ نہیں ہیں ساتھ ہی انہوں نے منگنی کی طرف اشارہ بھی دیا تھا۔قبل ازیں بھارتی میڈیا کے ذرائع نے جون کی 27 تاریخ کو دعویٰ کیا تھا کہ
پریانکا چوپڑا جولائی یا اگست میں امریکی گلوکار نک جانس کے ساتھ رشتہ ازدواج میں منسلک ہونے کا ارادہ رکھتی ہیں۔ اداکارہ اور امریکی گلوکار کی پہلی ملاقات گزشتہ برس میٹ گالا پر ہوئی جس کے بعد دونوں کے درمیان قربتیں بڑھیں اور پھر یہ لوگ ایک دوسرے کی محبت میں گرفتار ہوگئے۔نک جانس نے امریکی ڈرامے کوانٹیکو کی شوٹنگ کے دوران اداکارہ سے محبت اور شادی کی خواہش کا اظہار کی جسے پریانکا نے قبول کرلیا تھا۔امریکی گلوکار رواں سال جون کے آخری ایام میں امریکا سے پریانکا کے ساتھ بھارت پہنچے تھے، اُن کے دورے کا مقصد اداکارہ کی والدہ کو راضی کرنا اور منگنی کی تاریخ کے ساتھ دن بھی طے کرنا تھا جس میں وہ کامیاب ہوگئے۔شادی کے حوالے سے دونوں شخصیات نے کوئی تصدیق یا تردید نہیں کی تھی تاہم قریبی ذرائع نے اس بات کا دعویٰ ہے کیا تھا کہ جولائی کے آخری یا اگست کے اوائل میں دونوں منگنی کرلیں گے۔یاد رہے کہ رواں سال مئی میں بالی ووڈ میں اچانک شادیوں کا سیزن شروع ہوا تھا، سب سے پہلے سونم کپور پھر اداکارہ نیہا دھوپیا اور پھر میوزک کمپوزر ہمیش ریشمیا نے ایک ہی ہفتے میں شادی کی تھی جبکہ گزشتہ روز دپیکا پڈوکون اور رنویر سنگھ ازواجی بندھن میں بندھے۔
