نیا پاکستان بن گیا اب میرا اگلا مشن۔۔۔ جہانگیر ترین نے اپنا پلان پوری قوم کے سامنے رکھ دیا

ڈیرہ غازی خان(ویب ڈیسک)تحریک انصاف کے مرکزی رہنما جہانگیر خان ترین نے ہیڈ پنجند علی پور میں پرائیویٹ سیکٹر کی جانب سے لگائے جانے والے ساؤتھ پنجاب فشریز کیج فش فارمننگ پراجیکٹ کا افتتاح کیا ،پروجیکٹ کی افتتاحی تقریب سے خطاب کرتے ہوئے انہوں نے کہا کہ حکومت ملک میں سرمایہ کاری کرنے والے لوگوں کی ہر ممکن مدد کریگی ،
انہوں نے کہا کہ حکومت فشریز کے شعبے میں دلچسبی رکھنے والے افراد کو سستے قرضے ، ٹیکنیکل سپورٹ اور مچھلی کی خوراک پر سبسڈی فراہم کریگی، جہانگیر خان ترین نے کہا کہ میرے پاس کوئی عہدہ نہیں مگر عوامی خدمت کے جذبے کے تحت ملک وقوم کی خدمت کرتا رہوں گا، نجی شعبے کی راہ میں موجودرکاوٹوں کو دور کیا جائے گا اور سب ملکر پاکستان کے لئے کام کرینگے ،جنوبی پنجاب صوبے کے حوالے سے جہانگیر ترین نے کہا کہ ن لیگ اور پیپلز پارٹی نے اپنے دور اقتدار میں جنوبی پنجاب صوبہ نہیں بنایا مگر وعدے کے مطابق پی ٹی آئی صوبہ ضرور بنائے گی،صوبائی وزیر فشریز سبطین خان نے کہاکہ حکومت خود بھی فشریز کے پراجیکٹ لگائے گی جبکہ نجی شعبہ کی بھی حوصلہ افزائی کرینگے ،ڈائریکٹر ساؤتھ پنجاب فشریز میاں احمد جہانگیر نے کہا کہ یہ پراجیکٹ میرا خواب تھا فشریز کا پروگرام حکومت کے 100 روزہ پلان کا حصہ تھا۔ جبکہ دوسری جانب وزیراطلاعات فواد چوہدری کا کہنا ہے کہ ملک کا لوٹا گیا پیسہ کسی صورت نہیں چھوڑیں گے جب کہ سپارکو سے بات کروں گا ہمارے دو چار فساد پھیلانے والوں کو خلا میں بھیج دے اورواپسی کا راستہ نہ چھوڑیں۔لاہور میں میڈیا سے بات کرتے ہوئے وفاقی وزیراطلاعات فواد چوہدری کا کہنا تھا کہ آج وزیراعظم چین کا تاریخی دورہ مکمل کرکے وطن واپس پہنچ جائیں گے، پاک چین تجارت ڈالر کی بجائے چینی کرنسی یوان میں ہوگی،
یہ چین کی جانب سے پاکستانی معیشت کو سہارا دینے کی کوشش کا حصہ ہے ، ڈالر میں پیسے دینے کی وجہ سے زرمبادلہ کے ذخائر کم ہوجاتے تھے اور خزانے پر بوجھ پڑتا تھا۔فواد چوہدری نے کہا کہ چین کے ساتھ ہمارے خلائی پروگرام میں پیشرفت ہوئی ہے، 2022 میں چین کے خلائی پروگرام کے تحت پہلا پاکستانی خلا باز خلا میں جائے گا، اگلے سال سپارکو خلا میں جانے کے خواہش مند افراد سے درخواستیں وصول کرے گا، سپارکو سے درخواست کروں گا کہ سائنس دانوں کی بجائے کچھ سیاست دانوں سمیت بعض فسادیوں کو خلا میں چھوڑ کر واپس آجائیں ، یہی ان کا علاج ہے، ہماری بھی بچت ہوجائے گی اور پاکستان کی جان بھی چھوٹ جائے گی۔وفاقی وزیر کا کہنا تھا کہ ہنگامہ آرائی کی تمام صورتحال میں اپوزیشن جماعتوں نے ذمے داری کا مظاہرہ کیا، موجودہ صورتحال سےنمٹنے کے لیے اپوزیشن کوساتھ لے کر چلے ہیں، اپوزیشن جماعتوں کےساتھ ہمارا کوئی بڑا جھگڑا نہیں، اپوزیشن چاہتی ہے کہ ان کے خلاف کرپشن کے کیسز آگے نہ بڑھائے جائیں، لیکن کوئی توقع نہ کرے کہ ہم مقدمات روکیں گے،ہم کسی کو این آر او نہیں دے سکتے، پاکستان کا پیساواپس کرنا پڑے گا۔فواد چوہدری نے کہا کہ ملکی تعلقات شخصیات سے نہیں جڑے ہوتے، (ن) لیگ کے سابق وزرا ہر چیز کا کریڈٹ شریف فیملی سے جوڑ دیتے ہیں، شہبازشریف نےکہا مجھ پرمقدمہ بننے سے چین، سعودی عرب سے تعلقات خراب ہوجائیں گے تاہم آج پوری عالمی برادری وزیراعظم عمران خان پر اعتماد کررہی ہے، پاکستان کے چین ، ترکی ، سعودی عرب اور دیگر ممالک کے ساتھ بہترین تعلقات ہیں۔وزیراطلاعات کا کہنا تھا کہ مسلم امہ کے تنازعات کو ختم کرنا ہماری خارجہ پالیسی کا ایک اہم حصہ ہے، یمن کے معاملے پر ہماری بات چیت آگے بڑھی ہے اور اس میں دیگر فریقین کوبھی شامل کیا ہے جب کہ یمن معاملے پر او آئی سی بھی کردار ادا کرے، یمن تنازع ختم ہونے سے پوری مسلم امہ کو فائدہ ہوگا۔