مسلم لیگ (ن) یا تحریک انصاف؟ پیپلز پارٹی سینٹ کے ضمنی انتخابات میں کسے سپورٹ کرے گی؟ فیصلہ ہوگیا

لاہور( مانیٹرنگ ڈیسک) پاکستان پیپلز پارٹی اور مسلم لیگ ن میں بہت بڑا بریک تھرو، پی پی پی نے مسلم لیگ (ن) کو ووٹ دینے کا اعلان کر دیا۔ تفصیلات کے مطابق پنجاب اسمبلی کے اجلاس میں پی پی پی کے رہنماء حسن رضا نے کہا ہے کہ پیپلز پارٹی سینٹ کے ضمنی انتخابات میں (ن) لیگ کے رہنماء خواجہ احسان کو ووٹ دے گی، انکا کہنا تھا کہ پارٹی کی جانب سے ہدایت کی گئی ہے کہ پارٹی کے تمام رہنماء سینٹ کے ضمنی انتخابات میں مسلم لیگ (ن) کے رہنماء خواجہ احسان کو ووٹ دیں۔ واضح رہے کہ پاکستان تحریک انصاف کے رہنماء چوہدری سرور کو گورنر پنجاب نامزد کرنے کے بعد چوہدری سرور نے اپنی نشست چھوڑ دی تھی جس پر مسلم لیگ (ن) کی جانب سے خواجہ احمد احسان کو نامزد کیا گیا ہے۔