اسلام آباد (ویب ڈیسک ) این اے 65 چکوال سے (ن) لیگ کے رہنما فیض ٹمن چوہدری شجاعت کے صاحبزادے کے حق میں دستبردار ہو گئے ۔ سالک حسین نے این اے 65 سے (ق) لیگ کے ٹکٹ سے کاغزات نامزدگی جمع کروائے تھے جبکہ (ن) لیگ کے ٹکٹ سے نامو
رہنما فیض ٹمن نے (ق ) لیگ کے حق میں دستبرداری کا اعلان کرتے ہوئے میدان خالی کر دیا ہے ۔ دوسری طرف ضمنی الیکشن کیلئے تحریک انصاف نے امیدواروں کے نام جاری کر دئیے، لاہور کے این اے 131 سے ہمایوں اختر میدان میں اتریں گے، کراچی سے محمد عالمگیر اور آفتاب صدیقی کا نام بھی فائنل ہو گیا۔ضمنی الیکشن کیلئے جاری کردہ ناموں میں این اے 56 سے ملک خرم شامل ہیں، این اے 53 سے علی اعوان امیدوار ہوں گے۔ این اے 63 میں پی ٹی آئی امیدوار منظور حیات ہوں گے جبکہ لاہور کے این اے 131سے ہمایوں اخترخان میدان میں اتریں گے۔کراچی کے این اے 243 سے محمد عالمگیر اور 247 سے آفتاب صدیقی کپتان کے کھلاڑی ہوں گے۔ پی ٹی آئی کی جانب سے پی کے 78 سے محمد عرفان، پی کے 99 سے آغا اکرام گنڈاپور الیکشن لڑیں گے۔ پی کے 3 سے ساجد علی، 7 سے فضل مولا، 97 سے فیصل امین میدان میں ہوں گے۔سندھ کے پی ایس 87 سے سردار قادر بخش، پنجاب کے پی پی 27 سے شاہنواز راجہ، پی پی 272 سے زہرہ بتول اور 296 سے اویس دریشک کو پی ٹی آئی کاٹکٹ جاری کیا گیا ۔
