لاہور: پاکستان تحریک انصاف مرکز میں حکومت بنانے کیلئے نمبر گیم پوری کرنے میں مصروف ہے اور قریب قریب پہنچ گئی ہے اور پی ٹی آئی کا کہناہے کہ آج تک یہ کام مکمل ہوجائے گا۔
تفصیلات کے مطابق قومی اسمبلی کی آزاد حیثیت میں کامیاب ہونے والے مظفر گڑھ سے شبیر قریشی اور گھوٹکی سے علی مہر نے عمران خان سے ملاقات کی اور انہوں نے اس دوران پارٹی میں شمولیت کا اعلان کر دیاہے اور ان کی شمولیت کے بعد 13 آزاد اراکین میں سے پی ٹی آئی میں شامل ہونے والوں کی تعداد 9 ہو گئی ہے تاہم اب پی ٹی آئی کو صرف تین مزید سیٹوں کی ضرورت ہے جبکہ اس وقت 7 امیدوار ایسے ہیںجن سے پی ٹی آئی رابطہ کر سکتی ہے اور اس میں سے انہیں صرف تین کی ضرور ت ہوگی۔ پی ٹی آئی کا کہناہے کہ جہانگیر ترین اور شاہ محمود قریشی باقی کامیاب امیدواروں سے بھی رابطہ کرنے کی کوشش کررہے ہیں۔
