لاہور; کے حلقہ این اے 135 میں پاکستان تحریک انصاف کے رہنما کرامت علی کھوکھر کامیاب ہو گئے۔ میڈیا رپورٹس کے مطابق غیر سرکاری غیر حتمی نتائج کے تحت پی ٹی آئی رہنما کرامت علی کھوکھر نے کامیابی اپنے نام کی جبکہ شکست مسلم لیگ ن کے اُمیدوار
سیف الملوک کھوکھر کا مقدر بنی۔ کرامت علی کھوکھر نے 84719 ووٹ حاصل کیے جبکہ سیف الملوک کھرکھر 71282 ووٹ حاصل کر سکے۔یاد رہے کہ عام انتخابات 2018ء کے تحت گذشتہ روز ملک بھر میں پولنگ ہوئی۔ گذشتہ روز دن بھر عوام نے پولنگ اسٹیشنز کا رُخ کیا اور اپنے پسندیدہ اُمیدوار اور جماعت کو ووٹ ڈالا۔ انتخابات 2018ء کے غیر سرکاری غیر حتمی نتائج آنے کا سلسلہ جاری ہے۔ بدھ کے روز ہونے والے پاکستان کے عام انتخاباتکے سلسلے میں پولنگ شام 6 بجے ہی ختم ہوگئی تھی۔پولنگ ختم ہونے کے ایک گھںٹے بعد غیر سرکاری غیر حتمی نتائج آنے کا سلسلہ شروع ہوا۔اس سلسلے میں قومی اسمبلی کی 272 میں سے 260 نشستوں کے 20 سے 25 فیصد پولنگ اسٹیشنز کے غیر سرکاری غیر حتمی نتائج بھی سامنے آ چکے ہیں۔ اب تک موصول ہونے والے غیر سرکاری غیر حتمی نتائج کے مطابق تحریک انصاف باقی جماعتوں پر برتری حاصل کیے ہوئے ہے۔ قومی اسمبلی کی 272 میں سے 260 نشستوں کے غیر سرکاری غیر حتمی نتائج میں سے تحریک انصاف اب تک کل 120 ، ن لیگ کو 61، پیپلز پارٹی کو 40 جبکہ آزاد اُمیدواروں 16 نشستوں پر برتری حاصل ہے۔مزید غیر سرکاری غیر حتمی نتائج آنے کا سلسلہ اب بھی جاری ہے۔ دوسری جانب تحریک انصاف کے مقابلے میں ن لیگ ایک اور اپ سیٹ شکست کے دہانے پر ہے۔ مسلم لیگ ن کو نمایاں اور اہم حلقوں میں شکست ہونے کے بعد پارٹی کے مزید رہنما باغی ہوگئے ہیں اور پارٹی کے اندر فارورڈ بلاک بننے کا امکان ظاہر کیا جا رہاہے جس کے تحت کئی رہنماؤں نے عام انتخابات 2018ء کے غیر سرکاری غیر حتمی نتائج سامنے آنے کے بعد پی ٹی آئی کی اہم شخصیات سے روابط شروع کر دئے ہیں۔
