لاہور; الیکشن لڑنے کے لیے سابق وزیراعظم نواز شریف کی اہہے کلثوم نواز کی کزن بھی میدان میں آگئی۔قومی اخبار کی ایک رپورٹ کے مطابق بیگم کلثوم نواز کی کزن سائرہ بانو بھی ملی مسلم لیگ کی حمایت یافیہ اللہ اکبر تحریک کے ٹکٹ پر الیکشن لڑیں گی۔سائرہ بانو معروف پہلوان
جھارا کی بیوہ ہیں۔این اے 120 سے سابق رکن قومی اسمبلی اور سابق نا اہل وزیر اعظم نواز شریف کی اہلیہ بیگم کثوم نواز سائرہ بانو کی پھو پھی زاد ہیں۔سائرہ بانو کے مسلم لیگ ن کے خلاف الیشکن لڑنے سے پی پی 149 انتہائی اہمیت اختیار کر گیا ہے۔اس حلقے سے مسلم لیگ ن کے میاں مرغوم کوٹکٹ جاری کیا ہوا ہے۔جب کہ سائرہ بانو کرسی کے انتخابی نشان پر الیکشن لڑیں گی۔یاد رہے ملک بھر میں عام انتخابات کا اعلان 25جولائی کو کہا جائے گا،اس بارپاکستان مسلم لیگ ن اور تحریک انصاف کے درمیان سخت مقابلہ ہو گا جب کہ سیایس مبصرین اور انتخابی حلقوں میں کیے جانے والے سروے کے مطابق پاکستان تحریک انصاف کی پوزیشن مضوط تصور کی جا رہی ہے۔اس بار الیکشن میں دھاندلی سے نمٹنے کے لیے بھی اہم اقدامات کیے گئے ہیں۔25 جولائی 2018 ء کو ہونے والے عامانتخابات پاک فوج کی زیر نگرانی ہوں گے۔جب کہ عام انتخابات کے دوران سیکیورٹی خدشات بھی موجود ہیں جس کے پیش نظر سیکیورٹی فورسز 22جولائی اتوار کے روز ہی اپنی ذمہ داریاں سنبھال لیں گی۔ پنجاب میں چھ ہزار پولنگ اسٹیشن حساس قرار دئیے جا چکے ہیں۔ پنجاب سمیت ملک بھر میں کے حساس پولنگ اسٹیشنوں پر کلوز سرکٹ کیمرے بھی لگوائے جائیں گے۔عام انتخابات میں سیکیورٹی کے حوالے خاص انتظامات کیے گئے ہیں۔ 25 جولائی 2018 کو ہونے والے عام انتخابات ملکی تاریخ کے سب سے مہنگے اور سب سے بڑے انتخابات ہوں گے۔
