فیصل آباد;فیصل آباد میں ن لیگ اور پی ٹی آئی کے کارکن آپس میں لڑ پڑے۔ لڑائی کے دوران فائرنگ سے تین افراد زخمی ہو گئے۔ تفصیلات کے مطابق الیکشن 2018 ء کی آمد آمد ہے۔ اور انتخابی مہم بھی زور و شور سے جاری ہے۔جب کہ انتخابی مہم کےدوران اکثر سیاسی 
جماعتوں کے کارکنان کے آپس میں لڑنے کے واقعات سامنے آتے رہتے ہیں اسی طرح فیصل آباد میں ایک افسوسناک واقعہ پیش آیا جہاں پاکستان تحریک انصاف اور ن لیگ کے کارکن آپس میں لڑ پڑے۔دونوں سیاسی جماعتوں کی لڑائی فلیکس لگانے پر ہوئی۔لڑائی جھگڑے کے دوران فائرنگ بھی کی گئی جس کے نتیجے میں 3 افراد زخمی ہو گئے۔۔زخمی ہونے والے افراد میں 2 کارکنان کا تعلق ن لیگ سے ہے جب کہ ایک کارکن کا تعلق پاکستان تحریک انصاف کی جماعت سے ہے۔یہ واقعہ حلقہ این اے 106 میں پیش آیا جہاں پی ٹی آئی کہ نثار جٹ اور ن لیگ کے رانا ثنا اللہ مد مقابل ہوں گے۔یاد رہے عام انتخابات کا اعلان 25جولائی کو کیا گیا ہے۔اس بار پاکستان تحریک انصاف اور ن لیگ میں کڑا مقابلہ تصور کیا جا رہا ہے جب کہ سیاسی مبصرین کے مطابق بھی اس بار تحریک انصاف کا پلڑہ بھاری نظرآ رہا ہے یہی وجہ ہے کہ اکثر سیاسی جماعتوں کے رہنما پی ٹی آئی میں شمولیت اختیار کر رہے ہیں۔اب عامانتخابات میں کچھ روز ہی باقی رہ گئے ہیں اور انتخابی مہم بھی زور و شور سے جاری ہے۔تاہم اس دوران کچھ نا خوشگوار واقعات بھی دیکھنے میں آ رہے ہیں جن میں کارکن آپس میں لڑ پڑتے ہیں اور شدید نعرے بازی بھی کرتے ہیں ایسا ہی ایک نا خوشگوار واقعہ آج فیصل آباد میں بھی پیش آیا ہے جس میں فائرنگ بھی کی گئی اور 3افراد زخمی ہو گئے۔ایسے نا خوشگوار واقعات سے بچنے کے لیے ضروری ہے کہ کارکنان صبر و تحمل کا مظاہرہ کریں۔اور آپس میں لڑائی کرنے سے اجتناب کریں دوسری صورت میں ایسے ہی واقعات پیش آئیں گے جس کے نتائج نقصاندہ بھی ہو سکتے ہیں۔
الیکشن 2018 کا سب سے پہلا تصادم۔۔۔۔فیصل آباد میں کارکنوں کی ایک دوسرے پر فائرنگ، افسوسناک اطلاعات موصول
