بالی وڈ اسٹارزرنبیر کپور اور عالیہ بھٹ ایک دوسرے سے دل لگا بیٹھے ہیں، اس نئے رشتے پررنبیر کے گھر والے کافی خوش دکھائی دیتے ہیں،رنبیر کی بہن نے عالیہ کے لئے خصوصی تحفہ بھیج دیا۔
بھارتی میڈیا کے مطابق بالی وڈ کے چاکلیٹی ہیرورنبیر کپورنے بھارتی میگزین کو انٹرویو دیتے ہوئے انہوں نے عالیہ بھٹ سے مھبت کا اعتراف کر کے اس رشتے کے بارے میں میڈیا پر گردش کرتی ا فواہوں کو سچا ثابت کر دیا، ان کا کہنا ہے کہ ابھی ان کا تعلق اورمحبت نئی ہے اسے پھلنے دیا جائے۔
ان دونوں کے ’نئے رشتے‘ پر شک یقین میں بدلتا تب دکھائی دیا جب عالیہ بھٹ کی سالگرہ کی پارٹی رنبیر کپور کی جانب سے دی گئی ۔ دونوں فلم برہماستر کے لئے بلغاریہ میں موجود تھے، رنبیر کیممیبھی خا ص طور پر اس پارٹی میں شرکت کے لیے ممبئی سے بلغاریہ پہنچیں۔
عالیہ کے ساتھ پیاری پیاری اور محبت بھری تصاویر سوشل میڈیا پر پوسٹ کیں، ان تصویروں میں ممی کے لیے عالیہ کا چھلکتا پیار کافی کچھ کہہ رہا تھا۔
اور اب 25 سالہ عالیہ بھٹ نے رنبیر کی بہن ردھیماکی جانب سے بھیجے گئے خصوصی تحفے کی تصویر انسٹاگرام پر شیئر کی ہے۔
ردھیما جیولری ڈیزائنر ہیں اور دہلی کے بزنس مین کی اہلیہ ہیں۔ انہوں نے عالیہ کے لئے زمرد کا بریسلیٹ بھیجا ہے جس پر عالیہ نے خوشی کا اظہار کرتے ہوئے ردھیما کا شکریہ ادا کیا۔
35 سالہ رنبیر کپورنے میگزین سے بات کرتے ہوئے عالیہ بھٹ کی خوب تعریف کی اور کہا کہ ’ میں جب عالیہ کے کام کو دیکھتا ہوں، تو میری خواہش ہوتی ہے کہ میں بھی ایسا ہی کام کروں۔‘
رنبیر کپور اپنے اور عالیہ کے درمیان پنپنے والے نئے رشتے کے بارے میں کافی پر جوش ہیں اور ہواؤ میں اڑتے نظر آرہے ہیں۔
