چینی صدر شی جن پنگ کا کہنا ہے کہ دنیا کے بہت سے خطوں میں انسانیت کو غیر یقینی صورتحال کا سامنا ہے، ایشیاء کا مستقبل کیا ہے، اس کا تعین ہمیں کرنا ہے۔
چین کے صدرنے باؤ فورم سے خطاب کرتے ہوئے کہا ہے کہ غلبے کی کوشش مسترد کردیں، امن اور خوشحالی کی خواہشات کے دور میں سرد جنگ ذہنیت کی کوئی جگہ نہیں ہے۔ چینی صدر کا مزید کہنا ہے کہ ہمارے سامنے بے شمار مسائل اور بہت سی رکاوٹیں ہیں، چین نے ایشیاء میں معاشی بحران کے خاتمے کے لیے گراں قدر کام کیا۔
انہوں نے مزید کہا کہ چین نے 40 برس میں غیرمعمولی ترقی کی اور اب ہم دنیا کی دوسری بڑی معیشت ہیں، جو عالمی برادری کے ساتھ مل کر معاشی ترقی کو تیز کر رہی ہے۔ صدر شی جن پنگ کا کہنا ہے کہ بہت سے ممالک میں لوگ غربت، بھوک اور امراض کا شکار ہیں، زمینی حقائق اور گلوبل وژن کو ساتھ لے کر چل رہے ہیں۔ واضح رہے کہ وزیراعظم شاہد خاقان عباسی فورم میں پاکستان کی نمائندگی کررہے ہیں۔
