پاک بھارت دونوں اطراف کے حالات ساز گار ہوتے ہی کرکٹ بھی بحال ہو جائے گی، ۔بھارتی ہائی کمشنر اجے بساریا
اسلام آباد: (اصغر علی مبارک) اسلام آباد میں تعینات بھارتی ہائی کمشنر اجے بساریا نے کہا ھے کہ پاک بھارت دونوں اطراف کے حالات ساز گار ہوتے ہی کرکٹ بھی بحال ہو جائے گی کیونکہ دونوں ممالک کے شہری کرکٹ کی بحالی چاہتے ہیں۔اپنے خطاب میں اجے بساریا کا کہنا تھا کہ دونوں ممالک کے درمیان تعلقات کے حوالے سے میڈیا کا کردار بہت اہم ہے لیکن جب حقیقت سے ہٹ کر رپورٹنگ کی جاتی ہے تو مسائل بڑھتے ہیں۔ واضح رھے کہ تاریخ میں پہلی مرتبہ یوم پاکستان کی مناسبت سے اسلام آباد کے شکرپڑیاں گراؤنڈ میں ہونے والی عسکری پریڈ میں دیگر مہمانوں کے علاوہ بھارتی ہائی کمیشن کے تین سینئر عہدیداران بھارتی ہائی کمشنر اجے بِساریا، ڈپٹی ہائی کمشنر جے پی سنگھ اور ملٹری اتاشی بریگیڈیئر پی وِشواس راؤ موجود تھے بھارتی سفارتکاروں نے صدر مملکت ممنون حسین کی دعوت پر تقریب میں شرکت کی۔ دفتر خارجہ کے ترجمان ڈاکٹر محمد فیصل نے بھارتی سفارتکاروں کی تقریب میں شرکت کے حوالے سے کوئی بات نہیں کی۔تاہم ان کا کہنا تھا کہ نئی دہلی میں پاکستانی سفارتکاروں نے بھی 26 جنوری کو بھارت کے یوم جمہوریہ میں شرکت کی تھی۔یوم پاکستان کی تقریب کے مہمانِ خصوصی صدر ممنون حسین تھے جبکہ وزیراعظم شاہد خاقان عباسی، آرمی چیف جنرل قمر جاوید باجوہ، سربراہ پاک بحریہ ایڈمرل ظفر محمود عباسی، ایئر چیف مارشل مجاہد انور خان، وزیر دفاع خرم دستگیر سمیت اراکین پارلیمنٹ اور سری لنکا کے صدر متھری پالا سری سینا نے بھی خصوصی طور پر شرکت کی تھی ۔پاک بھارت دونوں ممالک کے درمیان پانی کے تنازع پر بات کرتے ہوئےاجے بساریا کا کہنا تھا کہ پانی کے مسئلے پر دونوں ممالک کے اعلیٰ حکام کے مابین بھارت میں بات چیت ہو رہی ہے۔پاکستانی سفارت کاروں کو بھارت میں ہراساں کرنے کے حوالے ان کا کہنا تھا 
کہ سفارتی سطح پر بات چیت جاری ہے۔ان کا کہنا تھا کہ دونوں ممالک میں نوجوانوں کی بڑی تعداد ہے، دو تہائی بھارتی اور پاکستانی 35 سال سے کم عمر کے ہیں اور یہ نوجوان نسل ماضی کی تلخیوں سے دور ہے۔اجے بساریا نے کہا کہ غربت، پسماندگی اور ناخواندگی دونوں ممالک کا مشترکہ دشمن ہے لیکن ہمیں پرامن مستقبل کے لیے مل کام کرنا ہو گا۔پاکستان میں بھارت کے ہائی اجے بساریا نے دونوں ممالک کو ماضی کی تلخیاں بھلا کر آگے بڑھنے پر زور دیتے ہوئے کہا ہے کہ دونوں ہمسائیوں کے درمیان تجارتی تعلقات کو بڑھنے کی ضرورت ہےعلاوہ ازیں ۔بھارتی ہائی کمشنر اجے بساریا نے لاہور چیمبر آف کامرس کا دورہ کیا اور اپنے خطاب میں کہا کہ 70 سال سے اپنائی گئی پالیسی سے کسی کو فائدہ نہیں، اب نوجوانوں کے بھارت اور پاکستان کو آگے بڑھنا ہے۔انھوں نے کہا کہ دونوں ممالک میں باہمی تجارت بڑھانے کی گنجائش موجود ہے، تمام مشکلات کے باوجود تجارت بڑھانے پر بات کرنے کی ضرورت ہے، دونوں ممالک کو ٹرانزٹ اور روابط کو بہتر کرنا چاہیے۔بھارتی ہائی کمشنر نے کہا کہ دونوں ممالک کے تاجروں کو ویزا کے حوالے سے کئی رکاوٹوں کا سامنا ہے۔ان کا کہنا تھا کہ ورلڈ بینک کے مطابق باہمی تجارت 30 ارب ڈالر تک ہو سکتی ہے، تیسرے ملک کے ذریعے تجارت کا حجم زیادہ ہے اور براہ راست پاک-بھارت تجارت 2 اعشاریہ 2 ارب ڈالر ہے۔اجے بساریا نے کہا کہ پالیسی بنانے میں لاہور چیمبر کا کردار بہت اہم ہے، تجارتی پالیسی پر توجہ دینے کی ضرورت ہے اور منفی و مثبت لسٹ اور ٹیرف بئیریر پر غور کرنا چاہیے اور ان تمام مسائل سے نکل کر تجارت کو بڑھانا چاہیے۔
