اسلام آباد(خصوصی رپورٹ -اصغر علی مبارک ) وفاقی وزیر داخلہ چودھری احسن اقبال نے پاکستان کرکٹ ٹیم کو نیوزی لینڈ کے خلاف ٹی ٹوینٹی سیریز میں کامیابی حاصل کر کے عالمی نمبر ون پوزیشن حاصل کرنے پر اپنے تہنیتی پیغام میں کامیابی کو ٹیم ورک قرار دیتے ہووے کہا ھے کہ نیوزی لینڈ سے ٹی 20 سیریز جیت کر قوم کا سر فخر سے بلند کیا ہے
قومی کرکٹ ٹیم کو ٹی 20 میں ورلڈ نمبر ون بننے پر ٹیم کا ھر کھلاڑی مبارکباد کا مستحق ھے واضح رھے کہ پاکستان نے نیوزی لینڈ کو اسکی ہوم گراونڈ پر تین میچوں پر مشتمل ٹی ٹونٹی سیریز میں 2-1سے شکست دیکر جہاں سیریز اپنے نام کی ہے وہاں پاکستان ٹی ٹونٹی کی رینکنگ میں نیوزی لینڈ کو پہلی پوزیشن سے ہٹا خود پہلی پوزیشن پر بھی قابض ہونے میں بھی کامیاب ہو گیا ہے۔ آئی سی کی جانب جاری کردہ نئی ٹی ٹونٹی ٹیم رینکنگ میں پاکستان 126پوانٹس کے ساتھ پہلی پوزیشن پر آگیا ہے۔جبکہ قبل ازیں نیوزی لینڈ 123 پوائینٹس کے ساتھ پہلی پوزیشن پر قابض تھا اور نیوزی لینڈ اب دوسری پوزیشن پر آگیا ہے۔تیسری پوزیشن بھارت بدستور 121پوائینٹس ، انگلینڈ چوتھی پوزیشن 119پوائینٹس ، ویسٹ انڈیز 115پوائینٹس کے ساتھ پانچویں۔جنوبی افریقہ 112پوائینٹس کے ساتھ چھٹے۔آسٹریلیا111پوائینٹس کے ساتھ ساتویں۔سری لنکا 88پوائینٹس کے ساتھ آٹھویں۔ افغانستان86پوائینٹس کے ساتھ نویں۔بنگلہ دیش76پوائینٹس کے ساتھ دسویں۔ نمبر پر موجود ہے۔ماؤنٹ مونگائی میں کھیلےگے تیسرے اورآخری ٹی ٹوئنٹی میچ میں نیوزی لینڈ کو18 رنز سے شکست دے کر تین میچوں کی سیریز 2-1 سے جیت لی .پاکستان کے 182 رنز کے ہدف کے تعاقب میں نیوزی لینڈ کی ٹیم شروع سے ہی مشکلات کا شکار نظر آئی اور جلدی وکٹیں گرنے کی وجہ سے شدید دباؤ میں آگئی۔ سپینر شاداب خان نے 2 کھلاڑیوں کو آوٹ کیا جبکہ عامر یامین، رومان رئیس، محمد عامر اور فہیم اشرف نے ایک ایک وکٹ حاصل کی۔نیوزی لینڈ کی جانب سے مارٹن گپٹل 59 رنز بنا کر ٹاپ سکورر رہے اس کے علاوہ کوئی بھی نیوزی لینڈ کا کھلاڑی قابل ذکر کارکردگی نہ دکھا سکا۔ نیوزی لینڈ کی ٹیم مقررہ 20 اوورز میں 6 وکٹوں کے نقصان پر 163 رنز ہی بناپائی اور پاکستان نے یہ میچ 18 رنز سے جیت لیا۔ نیوزی لینڈ کے مارٹن گپٹل 59 رنز بنا کر اننگ اور میچ کے ٹاپ سکورر رہےاس سے قبل پاکستان اور نیوزی لینڈ کے مابین کھیلے گئے تیسرے اور سیریز کے فیصلہ کن ٹی ٹوئنٹی میچ میں شاہینوں نے ٹاس جیت کر پہلے بیٹنگ کا فیصلہ کیا اور مقررہ 20 اوورز میں 6 وکٹوں کے نقصان پر 181 رنز بنا کر مخالف ٹیم کو 182رنز کا ہدف د یا۔ اوپنر احمد شہزاد اور فخر زمان نے جارحانہ انداز اپنایا تاہم احمد شہزاد 18 گیندوں پر 19 رنز بنا کر کیچ آﺅٹ ہوگئے۔ جس کے بعد بیٹنگ کیلئے بابر اعظم آئے تاہم وہ بھی نویں اوور کی آخری گیند پر 18 رنز بنا کر کیچ آﺅٹ ہوگئے۔ اوپنر فخر زمان چودہویں اوورمیں 46 رنز بنا کر کیچ آﺅٹ ہوئے، وہ پانچ چوکوں اور ایک چھکے کی مدد سے 46 رنز بنا کر ٹاپ سکورر رہے۔ کپتان سرفراز احمد 29 ، عمرا مین 21 اور فہیم اشرف 8 رنز بنا کر آﺅٹ ہوئے۔ حارث سہیل 20 اور عامر یامین 6 گیندوں پر 15 رنز بنا کر ناٹ آؤٹ رہے۔ نیوزی لینڈ کی جانب سے ایش سودھی اور مچل سینٹنر نے 2 ، 2 کھلاڑیوں کو پویلین کی راہ دکھائی جبکہ بولٹ اور گرینڈ ہوم ایک ایک وکٹ لینے میں کامیاب ہوئے قبل ازیں نیوزی لینڈ کی ٹیم ون ڈے سیریز پانچ صفر سے اپنے نام کر چکی ھے ….
وفاقی وزیر داخلہ چودھری احسن اقبال کی پاکستان کرکٹ ٹیم کو نیوزی لینڈ کے خلاف ٹی ٹوینٹی سیریز میں کامیابی اور عالمی نمبر ون پوزیشن حاصل کرنے پر مبارکباد
