آپ نے خواتین کے مقابلہ حسن اور جیتنے والوں سے بے قاعدگی پر تاج واپس لینے کی خبریں تو پڑھیں ہوں گی لیکن اب سنیں سعودی عرب میں اونٹوں کے مقابلۂ حسن کی روداد، بارہ اونٹوں کو مقابلہ حسن سے باہر کردیا گیا کیونکہ ان کے مالکان نے ان کی خوبصورتی بڑھانے کے لیے بوٹوکس کا استعمال کیا تھا۔ کنگ عبدالعزیز فیسٹیول میں اونٹوں کے ہونٹ، ناک اور جبڑے خوبصورت بنانے کے لیے بوٹوکس کا استعمال کیا گیا۔ اس مقابلے میں ہزاروں اونٹوں کو پیش کیا جاتا ہے اور اُن کے ہونٹوں اور کوہان کی خوبصورتی اور بناوٹ ،دوڑ اور دودھ پر انعام دیا جاتا ہے۔