لاہور: قومی کرکٹ ٹیم کے کپتان سرفراز احمد نے پاکستان میں میچ کیلیے بہترین انتظامات کرانے پر پاک فوج اورآئی ایس آئی کا  شکریہ ادا کیا۔

میچ جیتنے کے بعد گفتگو میں سرفراز احمد نے کہا کہ پاکستان میں میچ کیلیے بہترین انتظامات کرانے پر پاک فوج اورآئی ایس آئی کا  شکریہ ادا کرتا ہوں، اپنے گھر میں کرکٹ کھیلنا بہت اچھا تجربہ ہے، ہوم گراؤنڈز پر کارکردگی دکھانے سے داد بھی زیادہ ملتی ہے۔ انہوں نے کہا کہ جس طرح کھلاڑی پرفارم کر رہے ہیں، ان کے مداحوں میں بھی اضافہ ہو رہا ہے۔ دوسری جانب شعیب ملک نے کہا ہے کہ سری لنکن ٹیم کا شکریہ اداکرتا ہوں، ہمارے شائقین اسی طرح کی کرکٹ کے منتظر تھے۔ خوشی ہے کہ مین آف دی میچ اور سیریز دونوں ایوارڈز ملکی شائقین کے سامنے وصول کیے۔