کراچی میں آئیڈیاز 2017 کے دفاعی سازوسامان کی ترسیل کے سلسلے میں ٹریفک کے لیے بند کی گئی شاہراہ فیصل اور اسٹیڈیم روڈ کو کھول دیا گیا۔
ٹریفک پولیس کے مطابق ایکسپو سینٹر میں نمائش کےسامان کی ترسیل کے پیش نظرکارساز سے ائیرپورٹ جانے والی سڑک کوسیکورٹی وجوہات کے باعث بند کردیا گیا تھا اور لیاقت آباد سے اسٹیڈیم آنے والی ٹریفک کو نیپا سے جوہڑ موڑ اور جوہر چورنگی کی طرف متبادل راستہ فراہم کیا گیا ہے۔
ملیر اسٹار گیٹ سے آنے والی ٹریفک کو شاہ فیصل کالونی گیٹ اورماڈل کالونی کی طرف متبادل راستہ فراہم کیا گیا تھا،جبکہ شاہراہ فیصل پر پیٹرول پمپ بند کر دیئے گئے تھے،تاہم سیکیورٹی کلئیرنس اور سامان کی ترسیل مکمل ہونے کے بعد شاہراہ فیصل اور اسٹیڈیم روڈ کو ٹریفک کےلیے کھول دیا گیا ہے ٹریفک معمول کے مطابق رواں دواں ہے۔
