لاہور (مانیٹرنگ ڈیسک )علامہ اقبال ائیر پورٹ پر انسداد منشیات فورس نے کارروائی کر کے ہیروئن اسمنگلنگ کی کوشش ناکام بنا دی ۔نجی نیوز چینل جیونیوز کے مطابق علامہ اقبال ائیر پورٹ پر اے این ایف نے کارروائی کر کے لاہور سے کینیا جانے والی سیا ہ فام خاتون کو گرفتار کر لیا جس کے پیٹ سے ہیروئن کے کیپسول برآمد ہوئے ۔اے این ایف حکام کاکہنا ہے کہ ایکسرے سے سیاہ فام خاتون کے پیٹ میں منشیات کے کیپسولز کا انکشاف ہوا ۔انہوں نے بتا یا کہ خاتون کے پیٹ میں 70کیپسول تھے جن میں آدھا کلو ہیروئن چھپائی گئی تھی ۔
