کراچی (یس اردو مانیٹرنگ ڈیسک ) قانون نافذ کرنے واالے اداروں نے شاہ فیصل کالونی میں متحدہ کے دفتر پر چھاپے کے دوران پانچ افراد کو گرفتار کر لیا جن کے قبضے سے اسلحہ بھی برآمد ہوا ہے۔
ذرائع کا کہنا ہے کہ کراچی کے مختلف علاقوں میں ایم کیو ایم کے غیر قانونی دفاتر کے خلاف کارروائی کا سلسلہ جاری ہے اور الطاف حسین کی پاکستان مخالف تقریر کے بعد اب تک کراچی کے مختلف علاقوں سے متحدہ کے 169دفاتر سیل کیے جا چکے ہیں ۔کورنگی میں 27اور شرقی میں 31دفاتر کو تالے لگائے گئے ہیں جبکہ ضلع وسطی میں 68اور غربی میں 34 دفاتر کو سیل کیا جا چکا ہے ۔
